Argeologiese opgrawings staakstaaf die teorie dat die Galliese gebiede van die huidige Frankryk reeds voor die aankoms van die eerste Keltiese setlaars deur 'n aantal verskillende volkere bewoon is. Die immigrasie van Keltiese stamme het tussen [[700 v.C.|700]] en [[600 v.C.]] begin. Hierdie setlaars het 'n aantal [[Kelties|Gallies-Keltiese dialekte]] gepraat. Die nie-Keltiese bevolking, veral die Iberiërs noord van die Pireneë en die [[Liguriërs]] in die kusgebiede van die Middellandse See is aanvanklik nie deur die vestiging van Keltiese stamme geraak nie en kon hulle onafhanklikheid handhaaf.
Teen die jaar [[600 v.C.]] het Griekse setlaars uit Ionië naby die monding van die [[Rhône]] die kolonie Massilia (die huidige [[Marseille]]) gestig wat mettertyd 'n groot kulturele en ekonomiese invloed op sy omgewing begin uitoefen het.
