Royal National Theatre: Verskil tussen weergawes

 

Vanaf sy stigting in 1963 tot 1976 is die toneelgeselskap in die Old Vic-teater in Waterloo Road gevestig. Die laaste opvoering in die Old Vic is in Februarie 1976 aangebied. Later dié jaar het die geselskap na die huidige teatergebou verhuis wat langs die [[Teems]]rivier in die South Bank-buurt van Sentraal-Londen geleë is. Naas opvoerings in die ''Royal National Theatre'' is die toneelgeselskap dikwels ook op toer om sy produksies in teaters dwarsoor die Verenigde Koninkryk aan te bied.

 

Die teatergebou is deur Sir Denys Lasdun en Peter Softley in die [[Brutalisme|brutalistiese]] styl ontwerp en in 1976 amptelik ingewy deur [[Elizabeth II van die Verenigde Koninkryk|Haar Majesteit koningin Elizabeth II]]. Dit huisves drie ouditoriums - ''The Olivier'' (waarvoor die antieke Griekse teater in Epidaurus as voorbeeld gedien het), ''The Lyttelton'' en die kleiner ''Dorfman Theatre''. Geriewe vir die publiek sluit daarnaas verskeie kafees en restaurante (waaronder die vlagskiprestaurant ''House at the National Theatre'' met sy buitengewone interieurontwerp wat 'n huldeblyk aan die teater se brutalistiese boukuns is), 'n kroeg en 'n boekwinkel in. Sedert 2015 beklee Rufus Norris die pos van teaterdirekteur. Sy voorgangers was Laurence Olivier (1963–1973), Sir Peter Hall (1973–1988), Sir Richard Eyre (1988–1997), Sir Trevor Nunn (1997–2003) en Sir Nicholas Hytner (2003–2015). In 1988 het koningin Elizabeth II koninklike status aan die teater verleen wat hom sedertdien "Royal" mag noem.