Ian Khama

Seretse Khama Ian Khama (of Ian a Serêtsê; * 27 Februarie 1953) is 'n Tswana-politikus wat sedert 2008 as President van Botswana dien. Nadat hy as bevelvoerder van die Botswana Verdedigingsmag gedien het, het hy die politiek toegetree en vanaf 1998 tot 2008 as Adjunkpresident van Botswana gedien en aansluitend op 1 April 2008 Festus Mogae as President opgevolg. Hy het 'n volle termyn in die 2009-verkiesing gewen en is in Oktober 2014 herverkies.

Ian Kharma
Ian Kharma in 2014
4de President van Botswana
Ampsbekleër
Termynaanvang 1 April 2008
Vise	Mokgweetsi Masisi Ponatshego Kedikilwe Mompati Merafhe
Voorafgegaan deur	Festus Mogae
5de Adjunkpresident van Botswana
Ampstermyn 13 Julie 1998 – 1 April 2008
President	Festus Mogae
Voorafgegaan deur	Festus Mogae
Opgevolg deur	Mompati Sebogodi Merafhe
Persoonlike besonderhede
Gebore	27 Februarie 1953 (1953-02-27) Chertsey, Engeland, Verenigde Koninkryk
Politieke party	Botswana Democratic Party
Alma mater	Royal Military Academy Sandhurst
Militêre Diens
Lojaliteit	Botswana
Diens/Tak	Botswana Verdedigingsmag
Jare in diens	1977–1998
Rang	Luitenant-generaal

Persoonlike lewe

Ian Khama is die eersgebore seun en tweede kind van Sir Seretse Khama (1 Julie 1921 – 13 Julie 1980), wat die land se voorste onafhanklikheidsleier en President vanaf 1966 tot 1980 was, en Lady Khama. Hy is in Chertsey, Surrey, gebore, gedurende die tydperk waarin sy pa verban is ná die Verenigde Koninkryk as gevolg van die opposisie deur die koloniale regering en die opkomende Apartheidsregime in Suid-Afrika teen sy huwelik met 'n wit vrou.

Hy is ook die kleinseun van Sekgoma II (1869–1925), wat die opperhoof van die Bamangwato-volk was, en die agterkleinseun van Khama III (1837–1923), hul koning; en die agteragterkleinseun Kgosikgolo Sekgoma I, die hoof van die Bamangwato-volk (1815–1885). Die naam "Seretse" beteken "die klei wat saambind", en is aan sy pa gegee om die onlangse versoening van sy pa en oupa te vier; hierdie versoening verseker Seretse Khama se opvolging op die troon toe sy ou pa in 1925 oorlede is. Seretse Khama Ian Khama is na sy vader genoem om hierdie historiese nalatenskap voort te sit. Hy is ook net as Ian Khama bekend om tussen homself en sy vader te onderskei. Tshekedi Khama II, Ian Khama se broer, is na hul groot oom, Tshekedi Khama, genoem wat die regent en voog was van Seretse Khama, die eerste President van Botswana.

Eksterne skakels

• Wikimedia Commons het meer media in die kategorie Ian Khama.

Voorafgegaan deur Festus Mogae	President van Botswana 2008–hede	Opgevolg deur Ampsbekleër
Voorafgegaan deur Festus Mogae	Adjunkpresident van Botswana 1998–2008	Opgevolg deur Mompati Merafhe