Benoon Duvenage: Verskil tussen weergawes

[[Lêer:Die finalejaarstudente van die Teologiese Skool Potchefstroom met die uittrede van Totius, 1949.jpg|duimnael|links|300px|Die groep studente wat einde 1949 afgestudeer het terwyl Totius op [[30 April]] [[1949]] sy [[emeritaat]] aanvaar het. Voor: H.S Pelser, P.G Geertsema, prof. [[Totius|J.D. du Toit]], [[Gerrit Pasch|G.B.S. Pasch]], S.P.C. Rule. Agter: P. Snyman, J.J. van der Walt, B. Duvenage, M.W. van der Walt.]]

 

 

Dr. Duvenage, wie se broer [[Schalk Duvenage|Schalk]] ook Gereformeerde predikant was, is in 1950 in sy eerste gemeente, [[Gereformeerde kerk Benoni|Benoni]], bevestig, waar hy net tot 1953 sou vertoef, toe hy ’n beroep aanneem na die gemeente [[Gereformeerde kerk Odendaalsrus|Odendaalsrus]] op die [[Vrystaatse Goudvelde]]. Ná ’n vyfjarige bediening in die tyd toe die naburige [[Welkom]] verrys en Odendaalsrus se sieletal vanweë afstigtings net van 405 tot 406 toegeneem het, het hy in 1958 na [[Gereformeerde kerk Florida|Florida]] vertrek en daar gearbei tot 1967. In daardie jaar het hy ’n benoeming as professor aan die Teologiese Skool aanvaar. Ná 21 jaar het hy in 1988 na die gemeentebediening teruggekeer as leraar van [[Gereformeerde kerk Sasolburg-Grootfontein|Sasolburg-Grootfontein]]. Dié gemeente is in 1983 gestig, maar reeds in 1994 by [[Gereformeerde kerk Sasolburg|Sasolburg]] [[Lys van ontbinde gemeentes van die Gereformeerde Kerke in Suid-Afrika|ingelyf]]. Ná ’n loopbaan van 42 jaar, presies om die helfte in die gemeentebediening en as professor, het hy sy [[emeritaat]] in 1992 ontvang.