Meksiko: Verskil tussen weergawes

Meksiko se nasionale sport is Charrería en is veral in die noorde van dié land gewild. Die sport is gebaseer op die aktiwiteite van die Charro en bestaan uit verskeie puntwedstryde, soortgelyk aan Rodeo. Nog ’n tradisionele sportsoort, wat deur die Spanjaarde in Meksiko ingevoer is, is die stiergeveg. Ander gewilde sportsoorte in Meksiko sluit in [[sokker]], [[boks]], [[bofbal]] en [[basketbal]]. Besonder is ook die Meksikaanse stoeiskou, wat bekend staan as Lucha Libre.

 

Sokker is die gewildste sport in Meksiko en is op klubvlak in ’n nasionale ligastelsel georganiseer. Die topsokkerliga is die [[Meksikaanse Primera División|Primera División]], wat in 1943 gestig is. Tans speel 18 spanne daarin, die kampioen word in ’n uitspeelwedstrydstelsel van agt spanne bepaal. Die suksesvolste span is [[Club América]] uit Meksikostad met 12 ligatitles, gevolg deur Club Deportivo Guadalajara met elf en Deportivo Toluca F.C. met tien titels.<ref>{{en}} {{cite web|title= Mexico&nbsp;– List of Champions|publisher=Rec.Sports.Soccer Statistics Foundation|url=http://www.rsssf.com/tablesm/mexchamp.html}}</ref> Meksiko het as gasheer vir die FIFA Sokker-Wêreldbekertoernooi in 1970 en die FIFA Sokker-Wêreldbekertoernooi in 1986 opgetree, en beide eindstryde het in die Estadio Azteca, tans die derde grootste sokkerstadion ter wêreld, plaasgevind.<ref>{{en}} {{cite web|title=About CONCACAF|publisher=The Confederation of North, Central American and Caribbean Association Football (CONCACAF)|url=http://www.concacaf.com/about.asp|accessdate=7 Oktober 2007 |archiveurl = http://web.archive.org/web/20071006070253/http://www.concacaf.com/about.asp |archivedate = 6 Oktober 2007}}</ref> Die Meksikaanse nasionale sokkerspan het aan 15 uit die 20 moontlike Wêreldbekertoernooie deelgeneem, en is saam met Argentinië en Brasilië, een van die beste nasionale spanne in die Amerikas. Meksiko het die [[CONCACAF]] se goue beker reeds tien keer gewen. Internasionaalbekende sokkerspelers sluit in [[Hugo Sanchez]], [[Rafael Marquez]], [[Ricardo Osorio]] en [[Pavel Pardo]].