Nie-realistiese fiksie is fiksie waarvan die gebeure in die storie nie in die werklikheid kan voorkom nie, soos ’n alternatiewe geskiedenis van die mensdom wat nie opgeteken is nie of [[Wetenskapsfiksie|onmoontlike tegnologie]] wat benodig word. ’n Groot aantal sulke tipe fiksieboeke is in omloop, insluitend werke deur [[Lewis Carroll]] (''[[Alice se avonture in Wonderland]]''), [[J.K. Rowling]] (''[[Harry Potter]] ''), en [[J. R. R. Tolkien]] (''[[Lord of the Rings]]'').
Selfs fantasie-literatuur is egter tweedimensioneel: dit lê iewers tussen die [[Realisme (letterkundekunste)|realisme]] en wonderlike of [[Mitologie|mitiese]] pole. Geografiese detail, karakterbeskrywings ens. skets ’n realistiese retoriek, dit "invites the reader to ignore the text's artifice, to suspend one's disbelief, exercise poetic faith and thereby indulge in the narrative's imaginative world". Die tweedimensionaliteit kom in die storie te voorskyn as verrassend of skrikwekkend. Volgens G. W. Young en G. Wolfe word fiktiewe realiteite buite die teks opgeroep, en word die leser se vorige opvattings ontbloot as onvolledig. Dus "by fiction is one able to gain even fuller constructs of what constitutes reality". Aan die ander kant belig die oneindige fiktiewe moontlikhede die onmoontlikheid daarvan om die werklikheid volledig te ken. Daar is geen kriteria waarmee die samestellings van die werklikheid gemeet kan word nie – as laaste toevlug is dit "entirely fictional".<ref name="subversive" />
