Wurm: Verskil tussen weergawes

[[Lêer:Pseudoceros dimidiatus.jpg|duimnael|links|''Pseudoceros dimidiatus'', 'n soort platwurm]]

Wurms kom oor die hele wêreld en in die mees uiteenlopende omgewings voor. Sommige spesies leef op land of in varswater, maar die meeste lewe in die [[see]]. Die lewenswyse is ook wyd uiteenlopend; talle spesies lewe as [[parasiet]]e in of op ander diere, ander is vrylewend of nie-parasitêr. Gemeenskaplike kenmerke is die swak, langwerpige liggaam en die meestal gesegmenteerde lengte van enkele millimeters tot sentimeters. Daar is egter ook wurms wat meer as 10 meter lank kan word, soos die runderlintwurm<!-- Afrikaanse naam? --> (''Taenia saginata'').

== Wurmagtiges ==

In [[biologie]] word 'n relatief lang, dun en pootlose liggaam as ''wurmagtig'' beskryf. Talle diere, wat definitief nie wurms is nie, het die woord ''wurm'' in die naam, soos wurmsalamanders, -akkedisse en -slange. Sekere [[insek]]te word selfs na hul larwestadium as wurms beskryf, dink byvoorbeeld aan die meelwurm.