As swemmer neem sy aan die [[Olimpiese Somerspele 2000|Olimpiese Somerspele van 2000 in Sydney]] deel, waar sy met die Suid-Afrikaanse aflos in die 4x100m wisselslag in die vyfde plek eindig. Sy behaal ook verskeie nasionale titels.
In [[2000]] leer sy prins Albert van Monaco tydens die [[Monaco Grand Prix van Monaco]] ken. Sedert [[2006]] het hulle 'n verhouding en op [[23 Junie]] [[2010]] is die twee amptelik verloof. Die [[burgerlike huwelik]] is op 1 Julie 2011 deur Philippe Narmino, die voorsitter van die Monegaskiese Raad van State, voltrek. Die kerklike huwelik vind op 2 Julie 2011 in die binnehof van die [[Prinslike paleis van Monaco|prinslike paleis]] plaas. Die mis is deur aartsbiskop [[Bernard Barsi]] van Monaco gelei. Sedert haar huwelik staan sy amptelik as '''Haar Deurlugtige Hoogheid Prinses Charlène van Monaco''' bekend, 'n titel wat laas deur Albert se moeder, prinses [[Grace Kelly]], gedra is.
