Christchurch: Verskil tussen weergawes

Alhoewel die stad veraf van aktiewe [[Geologiese breuke|breuke]] geleë is (die Alpynse breuk loop verder weswaarts, die Hope- en ander breuke van Noord-Canterbury verder nordwaartsnoordwaarts), bly aardbewings 'n konstante bedreiging vir Christchurch en is daar al verskeie kere skade aan geboue en infrastruktuur berokken. Ouer geboue is reeds in die 1970's omgebou om hulle meer bestand te maak teen aardbewings.

In teenstelling met die aardbewing van September 2010 het hierdie bewing oor die etensuur voorgekom en 185 lewens geëis, terwyl honderde beseer is. Die ramp het grootskaalse skade berokken, en ook die kerktoring van Christchurch se katedraal het in die slag gebly. 'n Uitsaaigebou, die Christchurch-televisiegebou (''CTV Building''), het ineengestort. Hier is die meeste sterftes aangeteken. Baie van die 115 slagoffers in die gebou was oorsese studente wat Engels-kursusse in Christchurch gevolg het.<ref>Gordon McLauchlan: ''A Short History of New Zealand''. Kindle-e-boek. Auckland: David Bateman 2014</ref> Die uitsaaisentrum was in Augustus 2012 die eerste veelverdiepinggebou in Nieu-Seeland wat opgeblaas is.

In die eerste helfte van die 20ste eeu was Christchurch se bevolking nog merendeels van Britse afkoms. Eers ná die [[Tweede Wêreldoorlog]] het ook immigrante uit ander wêrelddele hulle ook in die stad begin vestig, alhoewel hul persentasie merkbaar laer was as in ander dele van Nieu-Seeland. 'n Klein aantal vlugtelinge uit Europese lande, soos [[Letland]] en [[Griekeland]], het in hierdie periode 'n nuwe tuiste in Christchurch gevind, net soos kleiner groepe [[Hongarye|Hongaarse]] immigrante wat hier ná die mislukte opstand van 1956 aangekom het. Gedurende die 1950's en 1960's het groter getalle Nederlanders na Nieu-Seeland geïmmigreer waarvan sommige hulle in Christchurch kom vestig het. 'n Klein LatynLatyns-Amerikaanse immigrantegemeenskap het met die aankoms van [[Chili|Chileense]] vlugtelinge ná die staatsgreep van 1973 ontstaan.