Universiteit van Glasgow: Verskil tussen weergawes

Die '''Universiteit van Glasgow''' is die vierde oudste universiteit in die [[Engels]]sprekende wêreld en een van [[Skotland]] se vier historiese universiteite.

[[Lêer:Cloisters, University Of Glasgow.jpg|duimnael|links|Die ''Cloisters'' (ook bekend as die ''Undercroft'') verbind die hoofgebou se oostelike en westelike binneplase (''quadrangles'') met mekaar]]

Die universiteit is in 1451 in [[Glasgow]] gestig en is tans een van negetien tersiêre onderwysinstellings in die [[Verenigde Koninkryk]] wat by die top 100-akademiese instellings ter wêreld gereken word.

 

 

Na senior dosente is as ''regents'' verwys, en van hulle is verwag dat hulle klasse in 'n verskeidenheid vakke moes gee. Van die vroeë dosente was bekende persoonlikhede soos John Major (1469–1550) wat in 1521 sy werk ''A History of Greater Britain'' gepubliseer het. In die eerste honderd jaar van sy bestaan was die universiteit nou verbonde met die katedraal, en die meeste personeellede het belangrike funksies in die diosese vervul. Toe die [[Protestantse Hervorming]] in 1560 'n einde aan die Rooms-Katolieke Kerk se oorheersende invloed gemaak het, het aartsbiskop James Beaton (1517–1603) na Parys gevlug en nie net die universiteit se staf nie, maar ook 'n groot deel van sy argiewe saamgeneem. Onderwys by die universiteit is enkele jare lank ontwrig, en studentegetalle het gedaal terwyl daar net een dosent was wat klasse kon gee.

Die Protestantse hervormers was net soos hul Rooms-Katolieke voorgangers verbind tot hoër onderwys en het Andrew Melville (1545–1622) ná sy terugkeer uit [[Genève]] as rektor van die universiteit benoem. In 1577 het 'n koninklike oktrooi voorsiening gemaak vir die herstigting (''Nova Erectio'') van die universiteit, en alhoewel middele in die tydperk tussen die laat 1620's en 1662 beperk was, het die akademiese gehalte verbeter en is 'n nuwe universiteitsgebou in High Street opgerig. Gelykertyd het 'n ruim biblioteek ontstaan.