Mars se aksiale helling is 25,19 grade, wat vergelykbaar is met die Aarde se helling. Omdat Mars se jaar langer is, duur die seisoene daar byna twee keer so lank as die seisoene op Aarde. Mars het sy laaste perihelium, die afstand verste van die Son af, in Junie 2007 verbygesteek en sy aphelium, die afstand naaste aan die Son, in Mei 2008.
Mars het 'n relatief sterk [[Eksentrisiteit (sterrekunde)|wenteleksentrisiteit]]: 'n planeet se wenteleksentrisiteit dui aan hoeveel 'n planeet se [[Keël|keëlvormige]]ovaalvormige wentelbaan afwyk van 'n sirkel. Mars het 'n eksentrisiteit van ongeveer 0,09; uit die ander planete in die Sonnestelsel het slegs [[Mercurius]] 'n groter eksentrisiteit. Dit is egter bekend dat Mars se wentelbaan in die verlede baie ronder was as wat dit vandag is. Omtrent 1,35 miljoen Aardse jare gelede het Mars 'n eksentrisiteit van rofweg 0,002 gehad, minder selfs as die huidige eksentrisiteit van die Aarde.<ref>[http://main.chemistry.unina.it/~alvitagl/solex/MarsDist.html ''Mars' Orbital eccentricity over time''] by die webwerf van die Universita' degli Studi di Napoli Federico II (2003). In Italiaans. Verkry op 2007-07-20.</ref> Die eksentrisiteit van planete se wentelbane verander stadig, maar seker. Terwyl daar elke 100 000 jaar 'n definitiewe verandering in die Aarde se eksentrisiteit is, duur die eksentrisiteitsiklusse van Mars 96 000 (Aardse) jare. In die jaar 24100 word daar bereken dat Mars se eksentrisiteit 0,1051 sal bereik.<ref name=Meeus2003>Jean Mees (Maart 2003): [http://www.ips-planetarium.org/planetarian/articles/whenmars.html ''When Was Mars Last This Close?''], by die webwerf van die International Planetarium Society. Verkry op 2008-05-29.</ref> Mars se wentelbaan het die laaste 35 000 jaar ietwat meer eksentries geraak, as gevolg van die effek van die ander planete se aantrekkingskragte. Die naaste afstand wat Mars telkens aan die Aarde bereik, sal vir die volgende 25 000 jaar ietwat voortdurend kleiner word.<ref name=Baalke2003>Ron Baalke, 22 Aug 2003: [http://www.mail-archive.com/meteorite-list@meteoritecentral.com/msg14044.html Mars Makes Closest Approach In Nearly 60,000 Years].</ref>
