Katedraal: Verskil tussen weergawes

[[Lêer:Speyer-katedra-.jpg|duimnael|links|Die katedraal van [[Speyer]] ([[Duitsland]]), 'n voorbeeld van die Romaanse boustyl]]

[[Lêer:Ely Cathedral Choir, Cambridgeshire, UK - Diliff.jpg|duimnael|links|Koor van die katedraal van Ely, Cambridgeshire, Engeland]]

Katedrale is in argitektoniese opsig gewoonlik indrukwekkende geboue, en alhoewel die term katedraal oorspronklik funksioneel gebruik is, het hy geleidelik ook 'n kunshistoriese betekenis gekry. 'n Katedraal word gevolglik in die algemeen as 'n biskopskerk gedefinieer, wat volgens die Duitse kunshistorikus en skrywer Hans Jantzen tegelykertyd ook 'n "draer van die leidende gedagtes van die westerse boukuns" ("''Träger der führenden Gedanken der abendländischen Baukunst''") is. Daar is ook 'n suiwer kunshistoriese definisie, waarvolgens katedrale as die "hoofkerke van die Gotiese boustyl" beskou word (Adolf Adam).

 

== Boukunstenaars en bouhutte ==

[[Lêer:Domchor Prag.jpg|thumb|250px|Lig deurvloei die hoogkoor van die Sint-Vituskatedraal in Praag (Tsjeggië)]]

Tot by die 12de eeu is sakrale geboue meestal deur ervare lekebroeders opgerig. Hulle is in die 13de eeu deur die sogenaamde [[bouhutte]] vervang, 'n vereniging van argitekte, messelaars, beeldhouers, muur- en glasskilders, wat in die 14de eeu sy bloeitydperk beleef het en as die voorlopers van die stedelike gildes beskou word. Die lede van die bouhutte was anders as die latere ambagsmanne van die gildes nie op 'n bepaalde plek woonagtig nie, maar het net vir 'n spesifieke bouprojek saamgesluit.