Minnesang: Verskil tussen weergawes

 

== Geskiedenis ==

Omstreeks 1100 kan daar sprake wees van 'n ongekende omwenteling in die kulturele en literêre lewe van die Latynse Wes-Europa. Adel en intellektueles beperk hulself nie langer tot die godsdienstige sfeer, die hiernamaals en die Ryk van God nie, maar stel vir die eerste keer sedert die Romeinse antieke tydperk belang in wêreldlike strewes, menslike verhoudings en liefde. In [[Akwitanië]], 'n streek in Wes-Frankryk wat van Poitiers in die noorde tot die westelike [[Pireneë]] in die suide en tot naby die [[Rhône]]vallei in die ooste strek en met sy uitvoere van [[wyn]] en [[Sout (chemiese stof)|sout]] 'n ongekende toename in welvaart beleef, wat in die Romaanse boukuns van sy imposante en weelderige [[Kerk (gebou)|kerkgeboue]] en [[Katedraal|katedrale]] weerspieël word, verwerf Willem IX, hertog van Akwitanië en Gascogne, die eerste in 'n lang lyn van ''trobadors'', bekendheid met sy liefdesliriek waarin hy uitdrukking gee aan 'n nuwe gees van [[ridder]]likheid en individualisme.<ref>Dr Elizabeth Hallam (red.): ''The Plantagenet Chronicles''. London: Guild Publishing 1986, bl. 55</ref>