Bitterfontein

'n Baie klein, stowwerige dorpie in die Noordweste aan die nasionale pad tussen Kaapstad en Windhoek, net suid van die Noord-Kaapse grens. Die spoorlyn van Kaapstad na Namakwaland kom hier tot 'n skielike einde, glo omdat 'n Namakwalandse vervoermaatskappy nie sy padvervoervedrywighede deur die spoorweë wou laat skade ly nie. Dit was in 1931 die toneel van een van die wêreld se grootste treinrooftogte toe £80 000 se diamante spoorloos uit 'n possak verdwyn het.