Andrea Palladio: Verskil tussen weergawes

}}

'''Andrea Palladio''' ([anˈdrɛːa palˈlaːdjo]; * [[30 November]] [[1508]] as '''Andrea di Pietro della Gondola''' in Padova, Republiek Venesië; † [[19 Augustus]] [[1580]] in [[Vicenza]], Republiek Venesië) was 'n [[Italianers|Italiaanse]] [[Renaissance]]-argitek wat in die Republiek Venesië werksaam was.

Palladio, wat op die ouderdom van dertien 'n opleiding as steenmesselaar gevolg het, het later in [[Rome]] antieke boukuns en die werke van die Romeinse argitek en ingenieur [[Vitruvius]] bestudeer. Gedurende sy loopbaan as argitek het Palladio meer as tagtig projekte in die Republiek Venesië verwesenlik, waaronder paleise, [[Kerk (gebou)|kerk]]e, openbare geboue en villas. Sy leerstellings, wat in sy hoofwerk ''Vier boeke oor argitektuur'' (''I quattro libri dell'architettura'') saamgevat is, het hom internasionale erkenning besorg, terwyl sy stedelike geboue en villas in landelike omgewings beslissende invloed op die ontwikkeling van argitektuur sou uitoefen. So het sy werke as inspirasie gedien vir die sogenaamde Palladiaanse styl wat na [[Engeland]] en ander [[Europa|Europese]] lande en [[Noord-Amerika]] (met openbare geboue in die Palladiaanse styl soos die'' Capitol'' in [[Washington, D.C.|Washington, DC]]) versprei het. In Engeland is dit verder ontwikkel tot 'n klassisistiese Britse boustyl.<ref>[http://www.vam.ac.uk/content/articles/s/style-guide-palladianism/ ''Victoria and Albert Museum - Style Guide: Palladianism. Besoek op 12 Augustus 2018'']</ref>