'n Tragedie het die gemeente op [[2 September]] [[2016]] getref toe Laurika Venter, 'n maatskaplike werkewerker en ds. Venter se eggenote, saam met haar aanstaande skoonseun, Konrad de Beer, negeuur die aand in 'n motorongeluk op pad na 'n kerkkamp in die Rhemardo-vakansieoord in [[Limpopo]] gesterf het. De Beer was van plan om die Venters se dogter, Lausanne, die volgende dag naby [[Mookgophong]] die jawoord te vra. Lausanne was ook in die Toyota-bakkie, maar het ongedeerd daarvan afgekom. Die Venter-egpaar was 28 jaar lank getroud en het ook 'n seun gehad, Jac, 'n 20-jarige student aan die [[Noordwes-Universiteit]] ten tyde van die ongeluk. Laurika Venter was tot haar dood sewe jaar lank 'n maatskaplike werker by die Suid-Afrikaanse Vrouefederasie. Sy en De Beer is langs mekaar in die Zandfontein-begraafplaas begrawe. Laurika Venter is oorleef deur haar ouers, Willem ('n kleinseun van ds. [[Willem Postma]] en seun van ds. [[W.J. Postma]], en oorlede middel 2018), en Leonie Postma en haar jonger broer en suster, Willem en Martie Postma-Botha.<ref>{{af}} [http://maroelamedia.co.za/nuus/sa-nuus/predikantsvrou-aanstaande-skoonseun-sterf-saam-op-pad-na-kerkkamp/ Predikantsvrou, aanstaande skoonseun sterf saam op pad na kerkkamp]. Maroela Media, 6 September 2016.</ref>
