Afrikaanse oewerswael: Verskil tussen weergawes

Die '''Afrikaanse oewerswael''' is, soos sy naam aandui, deel van die [[swael]]familie. Hy verskil egter van ander swaels met sy bruin rug, klein grootte en vinniger, rukkerige vlug. Die oewerswael is die naaste verwant aan die [[Europese oewerswael]] (''Riparia riparia'').

 

Die Afrikaanse oewerswael is 12 cm lank en is bruin aan die bo-kant en wit of ligbruin aan die onderkant. Hy het nie dieselfde bruin streep oor sy bors as die Europese oewerswael nie. Oewerswaels het swart snawels en bruin bene. Mannetjies en wyfies is eenders in voorkoms, maar jonger voëls se vere is ligter van kleur op die vlerke en agterkant.

 

Afrikaanse oewerswaels bou hulle neste in kolonies en baie paartjies sal naby mekaar broei as die ruimte dit toelaat. Hulle neste word aan die einde van 30–60 cm lange tonnels gebou, wat die voëls self in sandbanke boor. Die nes self is 'n versameling strooi en vere aan die einde van die tonnel. Hulle word in laagliggende gebiede aangetref, verkieslik naby water en ook moerasagtige gebiede.

 

[[Lêer:Riparia paludicola MHNT224 Marrakech HdB.jpg|duimnael|''Riparia paludicola'']]

Die wyfie lê gewoonlik twee tot vier wit eiers. Die mannetjie en wyfie neem beurte om die eiers uit te broei.

 

Die kos van hierdie spesie bestaan uit klein insekte: meestal muggies en ander vlieënde insekte wat in hulle vroeë fases in of naby die water woon.

 

Afrikaanse oewerswaels is wyd oor [[Afrika]] verspreid, asook [[Indië]] en ander dele van Suid-[[Asië]]. Dit is 'n gedeeltelike migrerende spesies en sommige bevolkings sal met die seisoene migreer.

 

Die kwetterende sang van die Afrikaanse oewerswael is aanhoudend tydens vlug, maar neem 'n gesels-trant aan wanneer hulle land. Daar is ook 'n skerp alarm-roep.

 

Daar is sewe subspesies wat volgens grootte en die kleurskakerings van die bo- en onderdele onderskei word:

* ''R. p. paludicola'', Suidelike [[Afrika]]. Wit onderdele.

* ''R. p. chinensis'', Suidelike [[Asië]]. Die onderdele en keel is lig van kleur.

 

* Wetenskaplike naam: ''Riparia paludicola''

* Engelse naam: ''Brown-throated (Sand) Martin''

 

* [[Alfabetiese lys van Suid-Afrikaanse voëls]]

* [[Lys van Suid-Afrikaanse voëls (Groepeer)]]

* [[Lys van Suider-Afrikaanse voëls volgens wetenskaplike name]]

 

*{{cite book |title=Swallows & martins : an identification guide and handbook |last=Turner |first=Angela K |coauthors=Chris Rose |publisher=Houghton Mifflin |year=1989 |id=ISBN 0-395-51174-7 }}