Al-Masdjid al-Haram: Verskil tussen weergawes

Die huidige struktuur beslaan ’n gebied van 356 800 m², insluitende die bidgebiede binne en buite. Dit is te alle tye oop.

 

 

Volgens die [[Koran]] het [[Abraham in Islam|Abraham]] en sy seun, [[Ismael in Islam|Ismael]], die fondamente van ’n huis gelê [Koran 2:127] wat deur die meeste kenners as die Kaäba geïdentifiseer word. [[Allah]] het aan Abraham die presiese terrein uitgewys, na aan die [[Zamzam-put]], waar hy en Ismael omstreeks 2130 v.C. met die bou van die Kaäba begin het. Nadat Abraham dit voltooi het, het ’n engel vir hom die [[#Swart Steen|Swart Steen]] gebring, ’n klip wat volgens tradisie uit die hemel geval het. Volgens ’n gesegde wat aan Mohammed toegeskryf word, het die Swart Steen "witter as melk uit die Paradys geval, maar die sondes van die seuns van Adam het dit swart gemaak".

 

Dit het ’n belangrike rol gespeel in die godsdiens van die meeste Arabiese stamme en volke. Anders as wat Abraham volgens Islam bedoel het, is die Een God egter nie tydens bedevaarte daarheen aanbid nie, maar baie verskillende afgode.

 

Met Mohammed se triomfantelike terugkeer na Mekka in 630 het hy en sy skoonseun, Ali Ibn Abi Talib, die afgode in en om die Kaäba gebreek en die heidense gebruik daarvan beëindig. Dit was die begin van die Islamitiese beheer van die Kaäba en die gebou van Al-Masdjid al-Haram daaromheen.

 

Die moskee was eers net ’n klein, oop gebied met die Kaäba in die middel. Die eerste groot restourasie het in [[692]] plaasgevind. Die buitemure is verhoog en die plafon versier. Teen die einde van die 8ste eeu is die moskee se ou houtpilare met marmerkolomme vervang, die vleuels van die gebedsaal is aan albei kante vergroot en ’n [[minaret]] is bygevoeg. Later het die verspreiding van Islam deur die [[Midde-Ooste]] en die intog van pelgrims genoodsaak dat die hele gebou oorgebou is.

 

[[Beeld:mecca-1850.jpg|thumb|links|Mekka in 1850, tydens die [[Ottomaanse Ryk|Ottomaanse]] tydperk.]]

 

Tydens swaar reëns en vloede in 1621 en 1629 het die mure van die Kaäba en moskee groot skade opgedoen.<ref name="Wynbrandt2010p101">{{cite book|author=James Wynbrandt|title=A Brief History of Saudi Arabia|url=https://books.google.com/books?id=eZkIXdsZpPsC&pg=PA101|accessdate=12 Junie 2013|year=2010|publisher=Infobase Publishing|isbn=978-0-8160-7876-9|page=101}}</ref> In [[1629]], tydens die bewind van sultan [[Murat IV]], is die Kaäba herbou met stene uit Mekka en die moskee is weer gerestoureer. Dié keer is ’n nuwe steenarkade gebou, nog minarette bygevoeg en die marmervloer is oorgeteël. Die moskee sou drie eeue lank dié vorm behou.

 

Die eerste groot restourasie onder die [[Saoedi-Arabië|Saoedi]]-konings was tussen [[1955]] en [[1973]]. Nog vier minarette is bygevoeg, die plafon is oorgedoen en die vloer is vervang met kunsmatige klippe en marmer. Tydens die restourasie is baie van die historiese eienskappe uit die Ottomaanse tydperk vernietig, veral die steunpilare.

 

Tydens die derde Saoedi-restourasie ([[1988]]–[[2005]]) is nog minarette gebou, asook ’n paleis vir die koning met ’n uitsig oor die moskee. Nog poorte, koepels, gebedsareas in en om die moskee en byna 500 marmerpilare is ook bygevoeg. Ander moderne ontwikkelings sluit in verhitte vloere, lugreëling, hysers en ’n rioolstelsel.

 

[[Beeld:Mataaf expansion 2014 2.jpg|300px|thumb|Bouwerk in 2014 aan die moskee.]]

 

Die oppervlakte sal vergoot word van 356&nbsp;000&nbsp;m² tot 400&nbsp;000&nbsp;m². Die Koning Abdoellah-poort en twee nuwe minarette sal gebou word; daar sal dan 11 minarette wees. Alle onderdakgebiede sal ook lugreëling kry.<ref>{{cite news|title=Historic Masjid Al-Haram Extension Launched|url=http://www.onislam.net/english/news/global/453578-historic-masjid-al-haram-extension-launched.html|accessdate=17 November 2011|newspaper=onislam|date=20 Augustus 2011}}</ref>

 

Op [[11 September]] [[2015]] is minstens 111 mense dood en 394 beseer roe ’n hyskraan omgeval en op die moskee geval het.<ref name="Alarabiya">{{cite news |url=http://english.alarabiya.net/en/News/middle-east/2015/09/14/Makkah-crane-crash-report-submitted-to-King-Salman.html |author=<!--Staff writer(s); no by-line.-->|title=Makkah crane crash report submitted |work=Al Arabiya | accessdate=15 September 2015 | date=14 September 2015}}</ref><ref name=arabianbusiness>{{Cite web|title = King Salman to make findings of Makkah crane collapse probe public|url = http://www.arabianbusiness.com/king-salman-make-findings-of-makkah-crane-collapse-probe-public-606166.html|accessdate = 2015-09-14}}</ref><ref>{{cite web |url=http://www.diyanet.gov.tr/en/content/number-of-casualties-of-turkish-haji-candidates-at-the-kaaba-accident-reach-8%E2%80%A6/29131 |title=Number of casualties of Turkish Haji candidates at the Kaaba accident reach 8… |date=13 September 2015 |publisher=Presidency of Religious Affairs |access-date=15 September 2015}}</ref><ref>{{cite news|title=Two Brits dead and three injured in Mecca Grand Mosque crane tragedy that killed 107 people l|first1=Ruth|last1=Halkon|first2=Sam|last2=Webb|url=http://www.mirror.co.uk/news/world-news/two-brits-dead-three-injured-6436848|work=Mirror Online|accessdate=16 September 2015|date=13 September 2015}}</ref>

 

Die moskee is om twee redes belangrik: Dit dien as die rigting waarin Moslems bid en is die belangrikste bestemming vir bedevaarte (pelgrimstogte).

 

Die kiebla – die rigting waarin Moslems draai wanneer hulle bid – is die Kaäba en simboliseer eenheid in die aanbidding van een Allah (God).

 

[[Beeld:Masjid al-Haram panorama.JPG|thumb|center|790px|<div class="center">’n Panorama van Al-Masdjid al-Haram tydens die [[hadj]] in 2007.</div>]]

 

Die hadj word verbind met die lewe van die profeet [[Mohammed]] uit die 7de eeu, maar volgens Moslems dateer die bedevaart na Mekka van duisende jare gelede uit die tyd van Ibrahim (Abraham).

 

 

 

Die Kaäba (Arabies: الكعبة) is ’n klein vierkantige gebou in die middel van Al-Masdjid al-Haram en is een van die heiligste terreine in Islam.<ref name="eoi317">Wensinck, A. J; Ka`ba. Encyclopaedia of Islam IV p. 317</ref> Alle Moslems regoor die wêreld draai in die rigting van die Kaäba wanneer hulle bid. Dié rigting word die kiebla genoem.

Tydens die hadj moet pelgrims sewe keer antikloksgewys om die Kaäba loop. Hierdie tawaf word ook tydens die oemra uitgevoer.<ref name="eoi317"/><ref>{{cite news|url=http://news.bbc.co.uk/1/hi/in_pictures/7769689.stm|title=In pictures: Hajj pilgrimage|date=7 Desember 2008|work=BBC News|accessdate=8 Desember 2008}}</ref><ref>{{cite web |url=http://www.altmuslim.com/a/a/a/as_hajj_begins_more_changes_and_challenges_in_store/|publisher=altmuslim|title=As Hajj begins, more changes and challenges in store}}</ref>

 

[[Beeld:Coveting the Black Stone.jpg|180px|thumb|Pelgrims probeer by die Swart Steen uitkom om dit te soen.]]

 

Baie pelgrims stop en soen die Swart Steen as hulle kan, en dit boots die soen na wat Mohammed dit volgens tradisie gegee het.<ref>{{cite book|title=Your Door to Arabia|last=Elliott|first=Jeri|year=1992|isbn= 0-473-01546-3|publisher=R. Eberhardt|location=Lower Hutt, N.Z.}}</ref> As hulle nie daarby kan uitkom nie, wys hulle daarheen in elk van hul sewe rondes om die Kaäba.<ref>{{cite book|title=Hajj to Umrah: From A to Z|last=Mohamed|first=Mamdouh N.|year= 1996|publisher=Amana Publications|isbn=0-915957-54-X}}</ref>

 

Die ''Maqām Ibrahim'' (Plek van Abraham) is ’n rots wat na berig word ’n afdruk van Abraham se voet bevat. Dit word in ’n glaskoepel langs die Kaäba gehou. Die meeste Islamkenners identifiseer dit as die rots waaragter Abraham gebid het toe hy om die Kaäba geloop het.<ref name="KisterEI">M.J. Kister, "Maḳām Ibrāhīm," p. 105, ''The Encyclopaedia of Islam'' (new ed.), vol. VI (Mahk-Mid), reds. Bosworth et al., Brill: 1991, pp. 104-107.</ref> Daar bestaan verskeie tradisies oor hoe Abraham se voetafdruk wonderbaarlik op die rots verskyn het. Volgens een het dit gebeur terwyl hy daarop gestaan het toe hy die Kaäba bou; toe die mure te hoog word, het hy op die ''maqām'' gestaan – dit het hoër geword wanneer hy verder moes bou en weer laer wanneer sy seun Ismael vir hom klippe moes aangee.<ref name="KisterEI" /> Volgens ander tradisies het dit gebeur toe Ismael se vrou Abraham se kop was, of terwyl Abraham daarop gestaan het om die bedevaart na Mekka aan die mense te verkondig.<ref name="KisterEI" />

 

[[Safa en Marwah]] (Arabies: الصفا, ''Aṣ-Ṣafā''; المروة, ''Al-Marwah'') is twee heuwels wat nou in Al-Masdjid al-Haram geleë is. Volgens die Islamitiese tradisie het Abraham se vrou Hagar tussen die heuwels gehardloop op soek na water vir haar babaseun Ismael totdat God eindelik die Zamzam aan haar geopenbaar het. Moslems loop ook sewe keer heen en weer tussen die heuwels tydens hul bedevaarte in herinnering aan haar opoffering. Dit is ’n afstand van sowat 450&nbsp;m.

 

[[Beeld:Zamzamwill.JPG|thumb|220px|’n Gebied met krane wat Zamzam verskaf.]]

Die Zamzam-put (Arabies: زمزم) is ’n put 20&nbsp;m oos van die Kaäba.<ref name=survey>{{cite web|title=Zamzam Studies and Research Centre|work=Saudi Geological Survey|url=http://www.sgs.org.sa/index.cfm?sec=311&page=|accessdate=5 June 2005|archiveurl=https://web.archive.org/web/20050205152331/http://www.sgs.org.sa/index.cfm?sec=311&page=|archivedate=5 Februarie 2005}}</ref> Volgens die Islamitiese geloof het dit omstreeks 2150&nbsp;v.C. begin toe Abraham se babaseun dors was en gehuil het vir water.

 

Daar is hoofsaaklik twee groepe mense in terme van spirituele leierskap in die moskee: [[imam]]s en [[muezzin]]s.

 

’n Muezzin (''muadhdhin'') doen die oproep om gebed en voer ander pligte uit. Die oproep word as ’n kunsvorm beskou wat weerspieël word in die melodieuse gesing van die ''adhan''. Verskeie families deel dié pligte in Al-Masdjid al-Haram.

 

{{Verwysings|2}}

 

*[http://pallap.com/tv.php?i=Makkah Direkte uitsending, Al-Masdjid al-Haram]

*[http://www.3dmekanlar.com/en/masjid-al-haram--kaaba.html Galery oor Mekka bby 3dmekanlar.com]