Besproeiing: Verskil tussen weergawes

Besproeiing is vir die eerste keer in [[Suid-Afrika]] net na die koms van [[Jan van Riebeeck]] in die Kaap toegepas.

 

Besproeiingstelsels kan in drie tipes ingedeel word, naamlik: vloedbesproeiingstelsels, bewegende besproeiingstelsels en

statiese besproeiingstelsels.

 

[[Lêer:Riego por surcos.JPG|thumb|links|200px|Vloedbesproeiing word toegepas.]]

 

'n Vloedbesproeiingstelsel is 'n stelsel waar water oor die grondoppervlak gevloed word om die grond te benat. As voorbeeld kan water vanaf 'n kanaal in 'n bedding afgekeer word. Die tipe stelsel is gewoonlik goedkoop, maar arbeidsintensief. Die voordeel is dat die blare en vrugte nie nat word nie, wat siektes en verrotting verminder.

 

[[Lêer:Irrigation1.jpg|thumb|regs|200px|Landerye word besproei (bewegende besproeiing).]]

 

'n Besproeiingstelsel wat beweeg terwyl dit water oor die landoppervlak toedien. Voorbeelde hiervan is stelsels met spilpunte en kruipspuite. Die stelsels is geoutomatiseer (lae arbeidsbehoefte), maar duur om te installeer.

 

[[Lêer:Dripperwithdrop.png|thumb|links|200px|'n Drupper in aksie (mikrobesproeiing).]]

 

'n Besproeiingstelsel wat stilstaan terwyl water toegedien word. Voorbeelde van hierdie stelsels is sprinkel- en mikrobesproeiingstelsels.

 

Sprinkelstelsels word geklassifiseer as permanente en verskuifbare stelsels wat water bokant die grond versprei. Die pype van permanente stelsels word permanent op een plek gelaat. Verskuifbare stelsels word heel tyd rondbeweeg om effektiewe dekking te kry, maar kan sekere plante beskadig.

 

Mikrobesproeiingstelsels sluit drup- en mikrospuitstelsels in. Hulle verskil van sprinkelstelsels deurdat die water in klein hoeveelhede op 'n gereelde grondslag naby die plant se wortels toegedien word.