Brandfort: Verskil tussen weergawes

'''Brandfort''' is 'n klein [[dorp]], sentraal geleë in die [[Vrystaat]], [[Suid-Afrika]], naby [[Bloemfontein]], [[Winburg]], [[Theunissen]] en [[Bultfontein]].

 

[[Lêer:Vrouemonument voor die NG kerk Brandfort, Morné van Rooyen, 4 Januarie 2018.jpg|Die Vrouemonument se beeld van nader gesien.|duimnael|links|200px|'n Vrouemonument is ná die [[Tweede Vryheidsoorlog]] voor Brandfort se [[NG gemeente Brandfort|NG moederkerk]] opgerig ter nagedagtenis aan die vroue en kinders wat in die konsentrasiekamp gesterf het.]]

Die dorp is gestig op die plaas Keerom wat vir die eerste keer in 1838 deur Jacobus van Zijl, 'n [[Voortrekkers|Voortrekker]] van [[Prins Albert]] beset is. In 1866 het hy die [[NG Kerk]] genader om 'n dorp op sy plaas uit te lê. Die eerste woonerwe is op 30 Oktober 1866 verkoop. Die dorp is eers in 1874 geproklameer en het munisipale status in 1884 gekry.

 

Die distrik is 3 660&nbsp;km² groot. Gemengde [[Landbou|boerdery]] word beoefen en daar is verskeie stoeterye vir [[merino]]'s, [[Afrikanerbees]]<nowiki/>te, Bonsmara's en [[Vark|varke]] in die omgewing. 'n Paar kilometer buite die dorp is daar 'n groot [[hoender]]<nowiki/>plaas; Môreson. In die Weste is daar ook 'n aantal panne. Brandfort spog ook met 'n uitstekende skool gestig in 1906. Vroeër jare was dit 'n volkskool, maar het gegroei tot skool wat baie kinders lok uit omliggende distrikte soos [[Bultfontein]], [[Winburg]], [[Theunissen]] en selfs die naby gelee hoofstad van die Vrystaat; [[Bloemfontein]].

 

Om die dorp is daar ook verskeie wildsplase naamlik Amanzi wildreservaat, Stone Safari's reservaat asook Grasslands Estate na die Weste van die dorp. Grasslands is naby die Esbach-koppe gelee en hulle gebruik die koppe as natuurlike landmerk in die logo van hul Estate. Na die Suidooste groet Keeromberg jou, dis die grootste berg in die area. Aan die voet van Keerom lê die plaas van oudpresident[[Charles Robberts Swart| CR Swart]] wat as staatspresident gedien het van 1961 tot 1967. Dié plaas se naam is ''De Aap''. Hy was 'n groot figuur in die gemeenskap en die plaaslike skool is na hom vernoem.

 

Die Slag van Brandfort het op [[25 Maart]] [[1900]] hier plaasgevind. Daar was ook 'n [[konsentrasiekamp]] by Brandfort genaamd Dwyersdorp so genoem omrede 'n Ier, kaptein Dwyer baie simpatie met die vroue en kinders gehad het. Van hulle het 1 550 egter gesterf.

 

* [[Gereformeerde kerk Brandfort]]

* [[NG gemeente Brandfort]]