Bulgar: Verskil tussen weergawes

'''Bulgar''' of '''Bolghar''' ([[Tataars]]: Болгар, ''Bolgar''; [[Tsjoewasjies]]: Пӑлхар, ''Palchar'') was van die [[8ste eeu|8ste]] tot die [[15de eeu]] periodiek die hoofstad van [[Wolga-Bulgarye]]. Dit was geleë aan die oewers van die [[Wolga]]rivier, sowat 130 km van die moderne [[Kazan]] in wat nou die Spasski-distrik in die Russiese [[Tatarstan|Republiek Tatarstan]] is. Wes daarvan is ’n klein moderne dorp wat sedert 1991 bekend is as '''Bolgar'''. Die terrein is sedert 2014 ’n [[Unesco]]-[[wêrelderfenisgebied]] onder die naam Bolgar Historiese en Argeologiese Kompleks.

 

Die stad was van die 8ste eeu af ’n hoofstad van Wolga-Bulgarye. Die hoofstad is later weens invalle geskuif na [[Bilär]]. Nadat laasgenoemde tydens die [[Mongoolse Ryk|Mongoolse invalle]] verwoes is, het die ou stad ’n sentrum van ’n aparte provinsie in die [[Goue Horde]] geword. In die tyd onder Mongoolse beheer het Bulgar baie ryk en tien keer so groot geword.

 

Gedurende die tsaristiese bewind het Russiese burgers hier gewoon. [[Pieter die Grote]] het ’n spesiale [[oekaz]] afgekondig om die oorblywende ruïnes te bewaar – dit was moontlik die eerste Russiese wet om ’n historiese erfenis te bewaar.

 

In die [[Sowjetunie|Sowjettyd]] het Moslems van Tatarstan en ander dele van die land na Bulgar gereis omdat hulle nie kon deelneem aan die hadj in [[Mekka]] nie.

 

Die hoofstad van Tatarstan is vandag [[Kazan]], maar baie Tatare beskou Bulgar as hul antieke en godsdienshoofstad en ’n simbool van die Moslems-Bulgaarse lewe voor die Mongoolse inval van Wolga-Bulgarye.

 

 

<gallery>

</gallery>

 

*{{CommonsKategorie-inlyn|Bolghar}}

*[[Lêer:Crystal txt.png|15px]] Hierdie artikel is vertaal uit die [[:en:Bolghar|Engelse Wikipedia]]