Douw Venter: Verskil tussen weergawes

Ds. '''Douw Gerbrand Venter''' ([[Burgersdorp]], [[19 Februarie]] [[1891]] - [[Koster]], [[27 Augustus]] [[1968]]) was ’n predikant in die [[Gereformeerde Kerke in Suid-Afrika|Gereformeerde Kerk]], skrywer en kultuurleier.

 

[[Lêer:Gereformeerde kerk Steynsburg plat.jpg|duimnael|links|270px|Ds. Venter was van 1924 tot 1947 predikant van die [[Gereformeerde kerk Steynsburg]], waar hy ’n merkwaardige rol in die kerk en samelewing gespeel het.]]

 

Douw Venter was die oudste van die drie kinders van Johannes Petrus Venter en sy vrou, Hester Alida Maria Coetzee. Hy is aan die Vrije Christelijke School op [[Burgersdorp]] as onderwyser opgelei en het daarna ’n tyd lank aan ’n plaasskool skool gegee. In 1911 het hy die Matrikulasie-eksamen afgelê en hom van 1912 tot 1917 aan die Teologiese Skool op [[Potchefstroom]] onder leiding van prof. [[Ferdinand Postma]], [[Totius|J.D. du Toit]] en ander as predikant bekwaam. In hierdie tydperk is daar onder meer by hom ’n intense belangstelling vir die teologie van dr. [[Abraham Kuyper|A. Kuyper]] gewek.

 

[[ Beeld:Di JV Coetzee en DG Venter as studente.jpg|duimnael|links|210px|Teologiese studente [[J.V. Coetzee]] en D.G. Venter omstreeks 1917 op Potchefstroom.]]

 

Ds. Venter het in die sentrum gestaan van die polemiek en bewysvoering dat Bulhoek, die plaas van Douw Gerbrand Steyn in die [[Steynsburg]]se distrik, die geboorteplek van pres. [[Paul Kruger|S.J.P. Kruger]] was. Hy het oudhede versamel en ’n museum in die huis op Bulhoek ingerig. Hy het ook versamelstukke aan die Voortrekkermonument-museum in [[Pretoria]] en die Nasionale Museum in [[Bloemfontein]] geskenk.

 

Hy was letterkundig en musikaal begaafd en het ’n sangkoor op Steynsburg gelei. Sy geskrifte sluit onder meer die volgende populêre teologiese werke in: '' ’n Kort kerkgeskiedenis van Suid-Afrika vir katkisasie gebruik'' (Bloemfontein, 1923), ''Handleiding vir die Jongeliedevereniging op Gereformeerde grondslag'' (Potchefstroom, 1942) en ''Die vrou in die openbare lewe'' (Bloemfontein, s.j.).

 

Verder was hy deputaat vir die Calvyn Jubileum Boekefonds en voorsitter van die deputate vir sending in [[Venda]]land.

 

[[Beeld:Ds Douw en mev Margaretha Venter.jpg|duimnael|regs|270px|Ds. en mev. Venter.]]

Gedurende 1926, aan die vooraand van die repatriasie na [[Suidwes-Afrika]], het hy die Afrikaners in [[Angola]] besoek en hom ook beywer vir die terugkeer van Afrikaners — onder wie talle oud-Steynsburgers — uit [[Argentinië]]. Gedurende die laaste 30 jaar van sy lewe is ds. Venter deur ’n gehoorgebrek gestrem. Hy is op Potchefstroom begrawe.

 

Ds. Venter was getroud met Johanna Margaretha, dogter van Barend Rudolf Kruger en sy vrou, Christina Maria van Tonder. Uit die huwelik is drie seuns en ’n dogter, Christina, gebore, wie se foto tydens die simboliese ossewatrek van 1938 die vroueprofiel in die groep op die wakis van die dikwels gebruikte afbeelding uitmaak. Die manuskrip van ds. Venter se ''Dagboek: reis na Angola'', asook ’n portretalbum en foto’s, berus in die Argief van die Geref. Kerk in Potchefstroom.

 

</gallery>

 

* Beyers, C.J. 1977. ''[[Suid-Afrikaanse Biografiese Woordeboek]] Deel III''. Kaapstad: Tafelberg-Uitgewers.