Filistyne: Verskil tussen weergawes

Die '''Filistyne''' ([[Hebreeus]]: פְּלִשְׁתִּים, ''Plištim'') was ’n volk wat in die [[Bybel]] beskryf word. Hulle was ’n seevarende volk wat hulle aan die einde van die 2de millennium&nbsp;v.C. op die kusstrook in die suide van [[Kanaän]] gevestig en vermoedelik intensiewe kontak behou het met Alasjië ([[Siprus]]), [[Miceense Griekeland]] en [[Minoïese beskawing|Minoïese Kreta]].<ref>B.J. Stone, The Philistines and Acculturation: Culture Change and Ethnic Continuity in the Iron Age, in ''BASOR'' 298 (1995), pp. 8, 13, C.S. Ehrlich, ''The Philistines in Transition: A History from ca. 1000-730 B.C.E.'', Leiden, 1996, p. [http://books.google.com/books?id=B2eNV68WU3YC&pg=PA25&dq=seranim&hl=nl&sig=HlZgbBxFHUQzWlWCFtFJ42jlets#PPA11,M1 11].</ref>

 

Volgens [[Josua]] 13:3 en [[1-2 Samuel|1 Samuel]] 6:17 het die land van die Filistyne uit vyf stadstate bestaan: Gasa, Asdod, Askelon, Gat en Ekron. Die volk word in die Bybel dikwels uitgebeeld as [[Israel]] se grootste vyand.<ref>Fahlbusch, Erwin; Bromiley, Geoffrey William (2005). ''The Encyclopedia of Christianity'', Volume 4: P-Sh. Grand Rapids, Michigan: Wm. B. Eerdmans Publishing. ISBN 0-8028-2416-1</ref> Daarbenewens word hulle vermeld in [[Egipte|Egiptiese]], [[Assirië|Assiriese]] en [[Babilonië|Babiloniese]] bronne.

 

Buite Bybelverband is bewyse vir die Filistyne en hul oorsprong nie duidelik nie. Hulle was vermoedelik een van die [[Seevolke]] en het gedurende die [[12de eeu v.C.|12de]] en [[11de eeu v.C.]] die heerskappy in die [[Levant]] gehad, maar in die eeue daarna is hul mag al hoe meer ingeperk. Tydens die [[Nieu-Assiriese Ryk]] (omstreeks 800-626&nbsp;v.C.) het die Filistynse gebiede opnuut ’n opbloei beleef. Ná hul verowering deur die Babiloniërs in 604&nbsp;v.C. is die Filistyne geleidelik in ander volke opgeneem.

 

{{Verwysings}}

*[[Lêer:Crystal txt.png|15px]] Hierdie artikel is vertaal uit die [[:nl:Filistijnen|Nederlandse Wikipedia]]