Gereformeerde kerk Waterberg: Verskil tussen weergawes

In 2015 was dit met 278 belydende en 30 dooplidmate die vierde grootste van die 13 gemeentes in die Klassis Waterberg, wat ook tot 2016 vyf [[Gereformeerde Kerke in Namibië|Namibiese gemeentes]] ingesluit het. Buiten die hoofdorp, [[Modimolle]], sluit die gemeentegrense ook die nedersettings Alma, Nutfield, Sussenvale, Swaershoek en Tuinplaas in.

 

Die Gereformeerde kerk Waterberg is in 1859 gestig, die stigtingsjaar van die GKSA ná die stigting van die [[Gereformeerde kerk Rustenburg]] op [[11 Februarie]] daardie jaar deur ds. [[Dirk Postma]], die grondlegger van dié kerkverband. Dit was ’n jaar voor die stigting van die [[NG gemeente Waterberg]], wat ook sy middelpunt op [[Modimolle]] het. Die staatkundige distrik [[Waterberg (streek)|Waterberg]] is eers in Maart 1866 gevorm uit die noordelike gedeelte van die distrik [[Rustenburg]] en die westelike deel van [[Soutpansberg (streek)|Soutpansberg]]. Die landdrossetel is op [[Nylstroom]] gevestig. Die Hervormde gemeente Waterberg, gestig op [[20 November]] [[1865]], is ook ouer as die staatkundige distrik.