Groot Stormsrivierbrug: Verskil tussen weergawes

Content deleted Content added
Uitleg van bronteks
Uitleg van bronteks
Lyn 4:
Die '''Groot Stormsrivierbrug''' (voorheen die '''Paul Sauer-brug''' genoem) is 'n brug in die [[Oos-Kaap]], [[Suid-Afrika]].
 
== Geskiedenis ==
Hierdie brug oor die [[Stormsrivier]] is in 1958 voltooi om 'n belangrike skakel in die [[N2]] ('n nasionale pad) tussen [[George]] en [[Port Elizabeth]] te vorm. Dit is 'n geribde boogbrug van [[beton]] en lê na-aan die kus, met die gevolg dat dit in 'n klam en verwerende seeklimaat staande moet bly. Hierdie brug aan die oostelike kant van die [[Tuinroete]] is 190 [[meter|m]] lank en oorspan die Stormsrivier op 'n hoogte van 130 m. Dit het die [[Stormsrivierpas]] uitgesny.
 
== Ontwerp-ingenieur ==
Die ontwerper van die brug was [[Riccardo Morandi]] (1902&nbsp;–&nbsp;1989). Hy was 'n [[Italië|Italiaanse]] siviele ingenieur van [[Rome]], wat nie net bekend was vir sy brûe in Italië self nie, maar ook in byvoorbeeld [[Kanada]] en [[Colombia]]. Ook sy Stormsrivierbrug is al as 'n meesterwerk op die gebied van brug-argitektuur en siviele ingenieurswese beskryf.<ref>[[Ensiklopedie van Suidelike Afrika]]. 1967. [[Eric Rosenthal]].</ref><ref>[[Op Pad in Suid-Afrika]]. [[B.P.J. Erasmus]]. 1995 ISBN 1-86842-026-4</ref>{{feit}}
 
== Verbetering in 1990 ==
Met verloop van tyd het verhoogde motorverkeer dit nogtans noodsaaklik gemaak dat die brug verbreed en versterk moes word. Die ekstra konstruksiewerk is deur die konstruksiemaatskappy [[HBO Africa]] gedoen. Die maatskappy is met 'n toekenning vir hierdie projek bekroon.{{feit}}
 
Dit het 'n bekende plek in die land geword vir avontuurlustiges om hul rekspronge ([[Engels]]: bungee jumping) uit te voer.
 
== Ander boogbrûe op die N2 ==
Daar is ook ander betonboogbrûe in Suid-Afrika, soos die [[Bloukransrivierbrug]] met 'n span van 272&nbsp;m, die [[Van Stadensrivierbrug]] naby Port Elizabeth met 'n span van 198&nbsp;m, die [[Grootrivierbrug]] van 189&nbsp;m en die [[Bobbejaansrivierbrug]] van 165&nbsp;m. Wes van [[Mosselbaai]] is 'n balkbrug, die [[Gouritsrivierbrug]], wat 182&nbsp;m lank is.
 
Daar is ook 'n hangbrug vir voetgangers aan die mond van die Stormsrivier wat die Stormsrivierbrug genoem word, maar dié is nie in dieselfde klas as die Groot Stormsrivierbrug en soortgelykes wat veel groter motorverkeer dra nie.
 
== Sien ook ==
* [[Van Stadensrivierbrug]]
 
== Verwysings ==
{{commonscat|Paul Sauer Bridge}}
{{Verwysings}}