Hidjab: Verskil tussen weergawes

’n '''Hidjab''' of '''hijab''' ([[Arabies]]: حجاب; [[IFA]]: hɪˈdʒɑːb) is ’n sluier wat [[Moslem]]vroue in die openbaar dra of in die teenwoordigheid van mans wat nie deel van hul nabye familie is nie. Dit bedek die kop en skouers. Die term kan ook uitgebrei word na enige kleed wat die kop, gesig of liggaam bedek om aan ’n sekere mate van fatsoenlikheid te voldoen. Die term kan ook gebruik word om na die afsondering van vroue van mans in die openbaar te verwys, of dit kan ’n metafisiese dimensie aandui, byvoorbeeld om te verwys na "die sluier wat die mens of die wêreld van [[Allah|God]] skei".<ref name="Glasse, Cyril 2001, p.179-180"/>

 

In die meeste gevalle word die hidjab deur Moslemvroue gedra as ’n simbool van fatsoenlikheid en privaatheid. Volgens die ''Encyclopedia of Islam and Muslim World'' behels fatsoenlikheid in die [[Koran]] beide mans en vroue se "blik, houding, kleredrag en geslagsdele".<ref name="Muslim World 2003 p.721">''Encyclopedia of Islam and the Muslim World'' (2003), bl. 721, New York: Macmillan Reference USA</ref> Die Koran raai Moslemvroue aan om fatsoenlik aan te trek.<ref name=martinencylo>Martin et al. (2003), Encyclopedia of Islam & the Muslim World, Macmillan Reference, ISBN 978-0028656038</ref> Sommige [[Sjaria]] omskryf dit as die bedekking van alles behalwe die gesig, elmboë en knieë.<ref name="Glasse, Cyril 2001, p.179-180">Glasse, Cyril, ''The New Encyclopedia of Islam'', Altamira Press, 2001, p.179-180</ref><ref>Fisher, Mary Pat. Living Religions. New Jersey: Pearson Education, 2008.</ref> Dié riglyne word gevind in [[hadit]] en [[fikh]], wat ontstaan het ná die openbaring van die Koran, maar volgens sommige is dit afgelei van verse uit die Koran.<ref name="Muslim World 2003 p.721"/>

 

Sekere lande soos [[Iran]] en [[Saoedi-Arabië]] vereis die dra van die hidjab in die openbaar. Ander lande het weer wette afgekondig wat sekere of alle soorte hidjab in die openbaar of op sekere plekke verbied. Vroue ondervind in sekere dele van die wêreld ook nieamptelike druk om die hidjab in die algemeen of in sekere vorme te dra of nie. Dit sluit fisieke aanvalle in.

 

{{Verwysings}}

 

*[http://news.bbc.co.uk/1/shared/spl/hi/pop_ups/05/europe_muslim_veils/html/1.stm BBC-tekeninge van verskillende soorte Islamitiese vrouekleredrag]

*[http://veil.unc.edu/ "ReOrienting the Veil"], ’n opvoedkundige webtuiste oor Islamitiese sluiers