Hogsback: Verskil tussen weergawes

Die omgewing van Hogsback, wat die [[Tyhumerivier]] en vrugbare vlaktes van die Tyhumevallei insluit, word deur drie bergrûe oorheers, wat soos die borsels op die rug van 'n [[vark]] lyk en aanleiding tot die dorp se ongewone naam gegee het. In die winter word in hierdie berggebied dikwels sneeuvalle aangeteken. Hogsback staan bekend vir sy natuurskoon met inheemse [[boom|bosse]] (sommige boomreuse hier is van die oudste aangetekende eksemplare van hul spesie), [[waterval]]le en [[forel]][[hengel]]. Die bosse is die habitat van talle voëlspesies, waaronder loeries en [[Woudpapegaai|papegaaie]]. 'n Aantal pragtige staproetes is in die gebied gevestig.

 

Die landskapsbeeld van Hogsback is sterk beïnvloed deur een van die eerste setlaars, die tuinier Thomas Summerton uit [[Oxford]] ([[Engeland]]), wat probeer het om die flora van die Engelse platteland hier te herskep. [[Appel]]boorde, lane met haselneute aan weerskante, talle bessie[[vrugte]] en [[blom]]me uit Summerton se vaderland het in die gebied uitgebrei.

 

Daar word dikwels beweer dat die Amatolabos die Engelse skrywer [[J.R.R. Tolkien]] tot sy fiktiewe ''Mirkwood''-bos in die roman ''The Lord of the Rings (Die Heer van die Ringe)'' geïnspireer het.

 

* [[Lys van dorpe in Suid-Afrika]]

 

* [http://www.places.co.za/html/hogsback.html 'n Webwerf oor Hogsback]

 

{{Verwysings}}