Jagersfontein: Verskil tussen weergawes

'''Jagersfontein''' is 'n klein [[dorp]] in die suidweste van die [[Vrystaat]] in [[Suid-Afrika]], naby [[Fauresmith]]. Jagersfontein was die tweede dorp in Suid-Afrika en die eerste in die Vrystaat om [[elektrisiteit]] te gebruik.

 

[[Beeld:Ontbyt Jagersfontein-myn.JPG|links|300px|duimnael|Mynwerkers nuttig ontbyt op die Jagersfontein-myn. Dis die grootste myn ter wêreld wat met die hand gegrawe is.]]

 

In 1870 het mnr. JJ de Klerk 'n [[diamant]] van 50 [[karaat]] op die plaas Jagersfontein opgetel. Die plaas het oorspronklik aan 'n [[Griekwas (stam)|Griekwa]] met die naam Jacobus Jagers behoort. Hierdie ontdekking het tot 'n diamantstormloop gelei. Op 29 Augustus 1870 is 'n gedeelte van die plaas Jagersfontein tot openbare delwery verklaar. Delwers moes een vyfde van hulle opbrengs aan die weduwee Visser, eienaar van die plaas wat haar man in 1854 vir ₤30 gekoop het, oorhandig. Die verkoop van sterk drank, "onbehoorlike jolligheid" en delwery op [[Sondag|Sondae]] was verbode.

 

In 1878 is die eerste maatskappy gestig om diamante te myn en in 1882 is Jagersfontein formeel tot dorp verklaar. Munisipale status is in 1904 toegeken. [[De Beers]] het uiteindelik verskeie kleiner maatskappye oorgeneem en hulle in een organisasie gekonsolideer om die vulkaniese pyp te ontgin. Die myn is sedertdien gesluit. In 1893 is die [[Excelsior-diamant]] (971 karaat) gevind, die grootste wit diamant wat ontdek is tot die [[Cullinan-diamant]] in 1905 naby [[Pretoria]] gevind is. In 1895 is die [[Reitz-diamant]] van 637 karaat gevind.<ref>[[Op Pad in Suid-Afrika]]. [[B.P.J. Erasmus]]. 1995 ISBN 1-86842-026-4</ref>

 

* [[Annie Visser]], een van die eerste Afrikaanse sangers wat plate opgeneem het.

 

* [[Slag van Boomplaats]], 'n veldslag wat naby die dorp plaasgevind het.

* [[NG gemeente Jagersfontein]]

* [[Lys van dorpe in Suid-Afrika]]

 

{{Verwysings}}