NG gemeente Kadoma: Verskil tussen weergawes

Die '''NG gemeente Kadoma''' (vroeër Gatooma) is 'n [[Zimbabwe|Zimbabwiese]] gemeente van die [[Nederduitse Gereformeerde Kerk]] met sy kernpunt op die dorp [[Kadoma]] in die Ring van Midde-Afrika binne die Noordelike Sinode (vroeër Noord-Transvaal) wat in [[2010]] 63 lidmate gehad het, van wie 48 lidmate van die NG Kerk was en 15 nie-lidmate.

 

Die gemeente is op Sondag [[15 Mei]] [[1943]] van die gemeentes [[NG gemeente Harare|Salisbury]] en [[NG gemeente Gweru|Gwelo]] afgestig. Salisbury het aan die dogtergemeente al die kerkeiendom op [[Kadoma|Gatooma]], onder meer die stewige kerkgebou en 'n saal, sowel as 'n kontantbedrag gegee, terwyl Gwelo £100 aan Gatooma afgestaan het vir die boufonds van 'n saal op [[Kwekwe|Que Que]], die wyk wat van Gwelo afgesny en by die nuwe gemeente gevoeg is.

 

Die eerste leraar was ds. W.W. Esterhuizen wat op 4 November 1944 hier ontvang en bevestig is. Die sendinggemeente is onder sy leiding in 1946 gestig. Esterhuizen se opvolger was ds. W.P. de Vos, later onder meer leraar van die [[NG gemeente Rondebosch]] in Kaapstad en vader van die TV-persoonlikheid Eon de Vos. Tydens sy dienstyd is die saaltjie op Que Que in gebruik geneem toe Esterhuizen spesiaal van sy nuwe gemeente in die [[Noord-Kaap]] gekom het om die geleentheid by te woon. In 1951 is eerw. prop. J.A.J. Kriek op Que Que as hulpleraar bevestig.

 

In Februarie 1977 stig Que Que af as [[NG gemeente Kwekwe|NG gemeente Que Que]]. Ná ds. [[Frans Maritz]] in 1981 uit Kwekwe vertrek, kombineer Kwekwe en Kadoma onder leiding van ds. [[Dion van Dyk]]. In 1989 vertrek ds. H.J. Meyer uit [[NG gemeente Chegutu]], wat in November 1976 van Kadoma afgestig het, en so word Kwekwe en Kadoma een gemeente, gekombineer met Chegutu. Vandag nog word die drie punte deur een leraar, ds. Johan Haasbroek, bedien. Hy bedien ook Chinhoyi/Karoi sedert 2005 ('n samesmelting van [[NG gemeente Chinhoyi]] en [[NG gemeente Karoi]]) in kombinasie met Kadoma en Chegutu, dus een leraar vir die drie gemeentes wat vroeër vyf was, elk met sy eie leraar.

 

Die kerkgebou op Kadoma word steeds elke Sondag vir eredienste gebruik. Dit is oorspronklik gebou in dié deel van die gemeente waar al die [[Afrikaans]]sprekendes gebly het. Die kerkgebou is geleë in Kerkstraat, wat in [[Engels]] Kerk Street heet, anders as op talle ander plekke in [[Zimbabwe]] waar daar net 'n "Church Street" is. Die gemeente het in die jare 60 drie erwe in die meer gegoede buurt Westview gekoop en 'n saal en [[pastorie]] daar opgerig met die oog om later die ou kerkgebou te verkoop en 'n nuwe langs die saal op te rig omdat die buurt waarin die kerk vandag nog staan, mettertyd verval het. Die vryheidstryd het egter uitgebreek voor met die bouwerk begin kon word, die lidmate het drasties afgeneem en die nuwe gebou het toe nooit 'n werklikheid geword nie. Toe die kerkgebou in 1991 dringende onderhoudswerk nodig gehad het, was daar sprake dat die gemeente dit sou verkoop en liewer die kerksaal vir dienste sou gebruik. Dit is reeds die geval op [[Chegutu]] en [[Kwekwe]]. Daar het egter niks van tereggekom nie.

 

Met die regering se "grondhervorming" sedert 2000 het die lidmate verder afgeneem en was daar weer sprake dat die kerkgebou verkoop sou word. Weereens het dit nie gebeur nie, hoewel die meeste lidmate in 2003 ten gunste daarvan was. Die gemeente het intussen besluit om die verkoop op die lange baan te skuif.

 

* Willem Wouter Esterhuysen, 1944 - 1950

* Willem Petrus de Vos, 1950 - 1952

* Johannes Gerhardus Haasbroek, 1992 - hede

 

* [[Sinode van Midde-Afrika]]

* [[Gereformeerde kerk Gwelo-Gatooma]]

 

* [[Phil Olivier|Olivier, ds. P.L.]], ''[[Ons gemeentelike feesalbum]]''. Kaapstad en Pretoria: N.G. Kerk-uitgewers, 1952.

* Van Renen, Adri-Louise (hoof: Tydskriftemaatskappy), ''Jaarboek van die Nederduitse Gereformeerde Kerke 2009''. Wellington: Tydskriftemaatskappy, 2008.