NG gemeente Prieska: Verskil tussen weergawes

Content deleted Content added
Uitleg van bronteks
Lyn 25:
Die '''NG gemeente Prieska''' is 'n gemeente van die [[Nederduitse Gereformeerde Kerk]] in die Ring van Hopetown en Sinode van Noord-Kaapland. Die gemeente se middelpunt is die [[Noord-Kaap]]se dorp [[Prieska]], hoewel die gemeentegrense sedert [[1 Maart]] [[2001]]<ref>[http://www.ngkerk.org.za/noordkaap/gemeentes_body.asp?gemeente_id=60 Sinode Noord-Kaapland]</ref> ook die dorpies [[Marydale]] en [[Niekerkshoop]] insluit toe albei dié gemeentes, gestig in onderskeidelik 1916 en 1904, tegelykertyd by Prieska ingelyf is. Die [[NG gemeente Vergesig (Copperton)]] is reeds op Sondag [[22 November]] [[1987]] by Prieska ingelyf.
 
== Stigting ==
Die gemeente Prieska is in 1878 afgestig van die moedergemeente, [[NG gemeente Victoria-Wes|Victoria-Wes]]. Reeds op die vergadering van die Ring van Beaufort-Wes in 1874 is tot die afstigting van die gemeente besluit. Eers ná 'n tweede vergadering van die "Commissie voor de vermeerdering van Gemeenten", en wel op [[11 Maart]] 1878, het die stigting 'n voldonge feit geword.
 
== Eerste treë ==
By afstigting het die gemeente bestaan uit 2&nbsp;100 siele en 510 lidmate, en die grense het van Brakfontein aan die [[Oranjerivier|Grootrivier]] tot by Boegoeberg (die latere [[Groblershoop]]) gestrek. In die begin is die godsdiensoefeninge onder bokseile gehou, en later in 'n groot tent. Die Kaapse parlement het in 1880 deur 'n spesiale besluit 'n stuk grond vir 'n kerkgebou geskenk en op [[8 September]] [[1883]] het die inwyding van die kerk plaasgevind.
 
Jare lank is die gemeente deur konsulent-leraars bearbei en eers aan die einde van 1880 is die eerste beroep op ds. S. H. Kuhn, met nog verskeie vergeefse beroepe daarna, uitgebring. Ds. August Ahrbeck was die eerste vaste leraar en is op [[17 Januarie]] [[1885]] as proponent georden en bevestig. In 1906, tydens die bediening van ds. R.J. van Niekerk, die tweede leraar van die gemeente, is 'n nuwe [[pastorie]] gebou.
 
== Kerklike geboue ==
Die C.J.V.-saal is deur die derde leraar, ds. A G.T. Venter, gebou en die hoeksteen is gelê op [[7 Oktober]] [[1911]]. Reeds voor die koms van die vierde leraar, ds. W.J. du Toit, wat op [[12 Februarie]] [[1916]] bevestig is, is gevoel dat daar met die oog op meer ruimte 'n nuwe kerk gebou moes word. Op [[6 Desember]] [[1919]] is die hoeksteen van die teenswoordige kerkgebou dan deur hom gelê, en kon hy op [[20 Augustus]] [[1921]] ingewy word. Opgegroei in die Westelike Provinsie, en met 'n voorliefde vir die ou Kaaps-Hollandse boustyl, het die leraar gesorg dat al die gewels en selfs die pragtige toring met 'n Hollandse gewel-effek gebou sou word. Hierin is die toring seker uniek in Suid-Afrika. Dit is nog tydens sy bediening wat die Jubelfees (50-jarige bestaan) van die gemeente op waardige wyse vanaf [[30 Augustus]] tot [[2 September]] [[1928]] gevier is. Omstreeks 1952 is die orrel herbou en gemoderniseer, en ook so versterk dat dit die kragtigste orrel in die Noordweste sou wees.
 
Lyn 64:
Die NG gemeente Vergesig was 'n dogtergemeente van Prieska op die [[Noord-Kaap]]se myndorpie [[Copperton]]. Vroeg in 1969 is [[koper]] op die plaas Vogelstruisbult ontdek. Teen Oktober en November daardie was daar reeds soveel lidmate hier dat Prieska besluit om ’n ekstra wyk hier te stig. Teen 1972 was die sieletal van die kerk op Copperton sowat 500. Die skoolgebou was toe nie meer geskik vir dienste nie. ’n Derde leraar word beoog en in Oktober 1974 is die pastorie voltooi. In 1975 begin ds. Ben Smit sy werksaamhede te Copperton. Die gemeente Vergesig is op [[9 Maart]] [[1975]] gestig. In 1985 was hier net 176 doop- en 285 belydende lidmate. Vergesig-gemeente ontbind op Sondag [[22 November]] [[1987]] en skakel in by Prieska.
 
== Enkele leraars ==
* Ds. [[August Ahrbeck]], [[17 Januarie]] [[1885]] - [[23 Oktober]] [[1893]]
* Rudolph Johannes van Niekerk, 1894 - 1909
Lyn 94:
* Nadia Muller 2014-
 
== Bronne ==
* [[Gustave Adolph Maeder|Maeder, ds. G.A.]] en Zinn, Christian. 1917. ''Ons Kerk Album''. Kaapstad: Ons Kerk Album Maatschappij Bpkt.
* [[Phil Olivier|Olivier, ds. P.L.]], 1952. ''[[Ons gemeentelike feesalbum]]''. Kaapstad en Pretoria: N.G. Kerk-uitgewers.
 
== Verwysings ==
{{Verwysings}}
 
== Eksterne skakels ==
* {{af}} [http://www.ngprieska.com/ Die gemeente se webtuiste].
* {{af}} [http://www.noordkaapland.co.za/prieska/ Inligting oor die gemeente op die Sinode van Noord-Kaapland se webtuiste]. URL besoek op 3 November 2014.