NG gemeente Vergenoeg: Verskil tussen weergawes

Die '''NG gemeente Vergenoeg''' was die oudste gemeente van die [[Nederduitse Gereformeerde Kerk]] in [[Kenia]].

 

Na die [[Anglo-Boereoorlog]] het 'n groot aantal Afrikaners hulle vaderland verlaat en hulle in die destydse Duits-Oosgebied ([[Tanzanië]]) en Brits-Oosgebied ([[Kenia]]) gaan vestig. Moontlik het hulle nie kans gesien om op die puin van die oorlog opnuut te begin nie, selfs al het sommige hulle dan ook in 'n ander vesting van die veroweraar gaan vestig. Die trek na die noorde het 'n bootreis na [[Mombasa]], 'n meer as 640 km lange treinreis na [[Nakuru]] en dan 'n reis per [[ossewa]] na die gebied op die hoogland, wat vir boere uitgesit is, behels.

 

Terwyl die grootste trek in 1908 op Nakuru gestaan het, het 'n afvaardiging van die Transvaalse Kerk, bestaande uit di. N.H.C. Theunissen van [[Standerton]] en J.M. Louw van [[NG gemeente Boksburg|Boksburg]] Oos-Afrika besoek. Louw het op [[29 Augustus]] tydens 'n vergadering van belanghebbendes op die plaas van ene mnr. Arnoldi, wat hom reeds vroeër hier kom vestig het, as voorsitter opgetree en in opdrag van die Moderatuur oorgegaan tot die stigting van 'n nuwe gemeente van die Transvaalse Kerk, naamlik Vergenoeg. Van die pioniers het toe verder getrek. Hoewel die gemeente op [[Nakuru]] gestig is, het [[Eldoret]] die middelpunt geword.

 

In die aanloop tot [[Kenia]] en [[Tanzanië]] se onafhanklikheid het al drie gemeentes mettertyd gekwyn en uiteindelik, omstreeks die middel jare 70, 'n natuurlike dood gesterf. Vergenoeg het, volgens die NG Kerk-Jaarboek van 1973, 36 belydende lidmate en 16 dooplidmate gehad. Die skriba was J.E. Kruger, die kassier B.J.J. Steenkamp, die orrelis mev. A. Steenkamp en die koster mev. Rina Emolie. Die gemeente was in daardie jaar vakant en het vier ouderlinge en drie diakens gehad.

 

Hoewel die meeste Afrikaanssprekendes [[Kenia]] verlaat het, het in 1963 'n inheemse kerk in die land uit hulle sendingwerk ontstaan, naamlik die Reformed Church in East Africa wat 'n teologiese skool op [[Eldoret]] het. Die kerk se leerstellings en die skool se leerplan stem baie ooreen met dié van die [[Nederduitse Gereformeerde Kerk|NG Kerk]].

 

* [[Marthinus Petrus Loubser|M.P. Loubser]], 1909- 1914; 1925 - 1935 (emeriteer; oorlede [[9 Junie]] [[1942]])

* Gideon Jacobus van Zyl, 1921 - 1924

* Albertus Driescher, 1964 - 1965

 

* [[Sinode van Midde-Afrika]]

 

* {{af}} [[Phil Olivier|Olivier, ds. P.L.]] (samesteller), ''[[Ons gemeentelike feesalbum]]''. Kaapstad en Pretoria: N.G. Kerk-uitgewers, 1952.

* {{af}} Van Renen, Adri-Louise (hoof: Tydskriftemaatskappy), ''Jaarboek van die Nederduitse Gereformeerde Kerke 2009''. Wellington: Tydskriftemaatskappy, 2008.

* [http://www.kga.org.za/cgi-bin/giga.cgi?cmd=cause_dir_news_item&cause_id=1474&news_id=15087&cat_id=0 NG Kerk reik uit na Kenia]

 

* [http://152.111.1.88/argief/berigte/beeld/1991/06/14/11/5.html Beeld berig oor Afrikaners in Kenia]