Namib (kiesafdeling): Verskil tussen weergawes

'''Namib''' was van 1950 tot 1961 'n kiesafdeling in die destydse [[Suidwes-Afrika]] vir die Suid-Afrikaanse Volksraad. Toe dit voor die verkiesing van 1966 afgeskaf is, is [[Mariental (kiesafdeling)|Mariental]] as nuwe kiesafdeling in [[Suidwes-Afrika]] afgebaken.

 

In 1950 het die Suid-Afrikaanse Parlement 'n wet deurgevoer wat aan [[Suidwes-Afrika]] ses setels in die [[Volksraad van die Unie van Suid-Afrika|Unie-Volksraad]] en vier in die Senaat (waarvan twee verkose en twee genomineer) gegee het. Met hierdie stap het dr. [[D.F. Malan]], die eerste minister sedert 1948 se oorwinning deur die [[Nasionale Party]], onteenseglik aan die buitewêreld gesê dat hy Suidwes-Afrika as 'n vyfde provinsie van [[Suid-Afrika]] beskou. Dit was in antwoord op die [[Verenigde Nasies]] se besluit in 1946 dat genl. Smuts nie Suidwes-Afrika by die Unie mag inlyf nie.

 

Vanaf 1953 is die verkiesing in Suid-Afrika en Suidwes-Afrika gelyktydig gehou. In 1953 het die N.P. 13 305 (56,6%) stemme op hom verenig en die V.N.S.W.P. 10 021 (42,6%). Die N.P.-meerderheid in Etosha was 1 205, Karas 238, Middelland 272, Namib 554, Omaruru 826 en Windhoek 189. Teen 1958 het die N.P. sy houvas versterk met 'n meerderheid van 1 334 in Etosha, 449 in Karas, 604 in Middelland, 689 in Namib, 1 204 in Omaruru en 506 in Windhoek. In daardie jaar het die N.P. 16 390 (58,2%) stemme gekry en die V.N.S.W.P. 11 568 (41,1%).

 

In die eerste Suidwes-verkiesing op [[30 Augustus]] [[1950]] wen [[Japie Basson]] die kiesafdeling Namib vir die [[Nasionale Party]] met 'n meerderheid van 441, die derde grootste in die ses Suidwes-setels. In 1953 se algemene verkiesing skuif hy sy meerderheid op na 554, dié keer teen die [[Verenigde Nasionale Suidwes-party|V.N.S.W.P.]] se J.B. Muller en in 1958 tot 689 teen die [[Verenigde Nasionale Suidwes-party]] (V.N.S.W.P.) se M.C.E. McDonald. Soos te wagte stem Namib se kiesers in 1960 se volkstemming ten gunste van republiekwording met 2 911 ja-stemme en 1 994 nee-stemme. Nadat Basson uit die N.P. geskors word, word daardie party se Johannes Hendrik Cloete in 1961 se algemene verkiesing onbestrede verkies. Hy bly LV tot [[22 Julie]] [[1964]].

 

Dit was die laaste verkiesing in Namib, want voor die algemene verkiesing word die kiesafdeling afgeskaf en [[Mariental (kiesafdeling)|Mariental]] in sy plek as ses Suidwes-setel geskep.

 

* Böeseken, dr. A.J., Krüger, dr. D.W. en Kieser, dr. A. 1953. ''Drie eeue. Die verhaal van ons vaderland''. Kaapstad: Nasionale Boekhandel.

* [[D.W. Krüger|Krüger, prof. D.W.]] 1978. ''The making of a nation. A history of the Union of South Africa, 1910-1961''. Johannesburg & London: Macmillan.