Narmer-palet: Verskil tussen weergawes

Die '''Narmer-palet''', ook bekend as die '''Groot Hierakonpolis-palet''', is ’n belangrike argeologiese vonds uit [[Antieke Egipte]] en dateer uit omstreeks die [[31ste eeu v.C.]]. Dit bevat van die vroegste [[Egiptiese hiërogliewe|hiëroglief-inskripsies]] wat nog gevind is. Sommige geleerdes glo dit beeld die vereniging van [[Bo-Egipte|Bo-]] en [[Benede-Egipte]] onder koning [[Narmer]] uit.

 

Aan die een kant word die koning gewys met die [[Pschent|wit kroon]] van Bo-Egipte (in die suide) en aan die ander kant met die [[Pschent|rooi kroon]] van Benede-Egipte (in die noorde). Dit is een van die vroegste uitbeeldings van ’n Egiptiese koning. Die palet toon baie van die klassieke elemente van Antieke Egiptiese kuns, wat reeds gevestig moes gewees het in die tyd dat die palet geskep is.<ref>Wilkinson, Toby A.H. <cite>Early Dynastic Egypt</cite>. p.6 Routledge, London. 1999. ISBN 0-203-20421-2</ref> Die [[Egiptoloog]] Bob Brier het na die Narmer-palet verwys as die "eerste historiese dokument ter wêreld".<ref>Brier, Bob. ''Daily Life of the Ancient Egyptians'', A. Hoyt Hobbs 1999, p.202</ref>

 

Die Narmer-palet is deel van die permanente versameling van die [[Egiptiese Museum]] in [[Kaïro]].<ref name="Shaw, Ian 2004">Shaw, Ian. ''Ancient Egypt: A Very Short Introduction.'' p.4. Oxford Press, 2004.</ref>

 

{{Verwysings}}