Nirwana: Verskil tussen weergawes

'''Nirwana''' ([[Sanskrit]]: निर्वाण) of '''Nibbana''' ([[Pali]]:निब्बान) is ’n belangrike begrip in [[Boeddhisme]] en verwys na die hoogste vlak wat ’n mens kan bereik en waardeur heiligheid behaal kan word. Die letterlike betekenis is ''uitgedoof, onbeweeglik''; eersgenoemde verwys na die einde van begeerte, afkeer en verwarring, wat die hoofdoel van Boeddhisme is. Benewens Boeddhisme ken ander [[Indiese gelowe]] ook ’n nirwana, dikwels met ’n verskillende betekenis.

 

In die [[Theravada]] verwys die woord "Nibbana" na die [[Verligting in Boeddhisme|verligting]] wat die Boeddha self bereik het en waarin hy sy studente onderrig. Iemand wat die Nibbana behaal het, kan nie meer die geestelike oorsake van lyding (verlangens en afkeer) ervaar nie omdat daar vir altyd ’n einde daaraan gemaak is.

 

Die "uitdowing" van verlangens, haat, onkunde en verwarring is volgens die leer van die verligte Boeddha ’n logiese resultaat van die ontwikkeling van die [[Agtvoudige Pad]] tot op die hoogste vlak. Iemand wat Nibbana behaal het, kan ook die [[Vier Edele Waarhede]] in al hul aspekte volledig begryp en toepas.

 

Om "uitgedoof te wees" is in die Theravada een van die kenmerke van verligting ([[Pali]]: ''[[bodhi]]''). Iemand wat werklik verlig is, weet wat die nibbana is en ervaar dit ook. Dit is die algehele bevryding van die [[samsara]], waarin lyding en geboorte, siekte en dood ervaar word.

 

*[[Lêer:Crystal txt.png|15px]] Hierdie artikel is vertaal uit die [[:nl:Nirwana|Nederlandse Wikipedia]]

 

* {{en}}[http://www.buddhanet.net/e-learning/dharmadata/fdd43.htm Dharma-data: Nirwana]

* {{en}}[http://www.accesstoinsight.org/lib/authors/thanissaro/likefire/index.html ''The Mind Like Fire Unbound''] Oor die gebruik van die woord "Nibbana" in die tyd van die Boeddha.