Nougat: Verskil tussen weergawes

'''Nougat''' is 'n lekkerny wat van [[suiker]] of [[heuning]], geroosterde neute ([[amandel]]s, okkerneute, pistachio-neute of haselneute) en soms stukkies vrugte gemaak word. Die konsistensie van nougat wissel van harde- tot sagtenougat, afhangende van die bestanddele.

 

[[Beeld:Nougat sweets.jpg|thumb|right|250px|Nougat-sjokolade en -pralinée]]

Die [[Franse taal|Franse]] term nougat is waarskynlik afgelei van die [[Latyn]]se ''nux gatum'' ("tert met neute") en verwys eintlik na hardenougat, wat ook "wit nougat" of "Turkse nougat" genoem word. Gebaseer op Grieks-Romeinse en Arabies-Oosterse historiese oorspronge het lande soos [[Frankryk]] (Montélimar-nougat), [[België]] (''noga''), [[Spanje]] (''turrón'') en [[Italië]] (''torrone'') hul eie tradisies van nougat-vervaardiging ontwikkel. Hollandse sagtenougat, Turkse Heuning en Halva is nou verwante lekkergoed. Die basiese resepte bevat geen kakao nie.

Gianduia vorm ook 'n hoofbestanddeel van pralinées en was die voorbeeld vir die gewilde Italiaanse broodsmeer ''[[Nutella]]'', wat oorspronklik selfs ''Pasta Gianduia'' genoem is.

 

[[Lêer:Nougatier -Magasin.JPG|thumb|right|'n Nougat-winkel in Saint Didier, [[département]] [[Vaucluse]], Frankryk]]

Montélimarnougat (Frans: ''nougat de Montélimar''), 'n Suid-Franse nougat-spesialiteit, word dikwels ook "wit nougat" genoem. Die naam verwys na die stad van oorsprong - Montélimar in [[Provence|Noord-Provence]] (Frankryk).

By die Franse resep word eierskuim met verhitte heuning vermeng en daarna suikerwater en die ander bestanddele bygevoeg. Goedkope soorte bevat 'n mengsel van amandels en haselneute of grondboontjies en gewone heuning.

 

 

Turrón (Spaans) of torró (Katalaans) of torrone (Italiaans) is 'n Suid-Europese nougat-spesialiteit, met amandels, heuning, suiker en eierwit as sy hoofbestanddele. Dit word gewoonlik in die vorm van lang, reghoekige blokkies aangebied en dikwels ook met sjokolade, versuikerde vrugte of grondboontjies verfyn.