Ptolemeïese Ryk: Verskil tussen weergawes

Die '''Ptolemeïese Ryk''' ([[Grieks]]: Πτολεμαϊκὴ βασιλεία, ''Ptolemaïkḕ Basileía'')<ref>Diodorus Siculus, ''Bibliotheca historica'', 18.21.9</ref> was ’n [[Antieke Griekeland|Hellenistiese koninkryk]] in [[Antieke Egipte]]. Dit is deur [[Ptolemeus I Soter]] gestig ná die dood van [[Alexander die Grote]] in 323 v.C., en het geëindig met die dood van [[Cleopatra VII]] en die [[Romeinse Ryk|Romeinse]] verowering van Egipte in 30 v.C.

 

Die stigter van hierdie dinastie was [[Ptolemeus I Soter]] wat 'n generaal in [[Alexander die Grote]] se leër was en van hom die posisie van [[satraap]] (goewerneur) van die provinsie Egipte ontvang het, nadat Alexander se eerste satraap Kleomenes vanweë korrupsie afgesit, bereg en gedood is. Ná Alexander se dood het Ptolemeus aanvanklik die gesag van die regent Perdikkas in [[Babilon]] erken, maar in 321 v.C. het Ptolemeus Perdikkas se leër naby [[Memfis]] verslaan en het hy koning van 'n onafhanklike ryk geword.

In 305 v.C. het Ptolemeus I Soter homself tot [[farao]] van Egipte verklaar en ’n magtige Hellenistiese dinastie gestig wat gestrek het van Suid-[[Sirië]] tot Cyrene in [[Libië]], en suid tot by [[Nubië]]. [[Alexandrië]] het die hoofstad geword en was ’n sentrum vir Griekse kultuur en handel.

Die Ptolemeërs moes egter dikwels rebellies onderdruk en was betrokke in buitelandse en burgeroorloë wat gelei het tot die verval van die ryk en sy anneksasie deur die [[Romeinse Ryk]]. Die Hellenistiese kultuur het in Egipte floreer regdeur die Romeinse en die [[Bisantium|Bisantynse]] tydperk tot met die [[Moslem]]se verowering van die land.

 

Die laaste farao was [[Cleopatra VII]]. In haar tyd het die mag van die Romeine so groot geword dat Egipte 'n Romeinse provinsie geword het. Kleopatra het geprobeer om dit teen te hou deur eers 'n verhouding met [[Julius Caesar]] te begin. Hulle het 'n seun [[Ptolemeus XV Caesarion|Caesarion]] gehad. Later het sy 'n verhouding met [[Marcus Antonius]] gehad. Hy het egter die [[burgeroorlog]] teen [[Augustus Octavianus|Octavianus]] verloor. Beide die Romeinse Drieman Markus Antonius en die Egiptiese koningin het selfmoord gepleeg en Egipte het 'n Romeinse provinsie geword.

 

* [[Ptolemeus I Soter]] — 323 tot 283 v.C.

* [[Ptolemeus II Philadelphus]] — 283 tot 246 v.C.

* [[Cleopatra VII]]— 51 tot 30 v.C.

 

{{Verwysings}}