Ralreier: Verskil tussen weergawes

Die '''ralreier''' is 'n redelik tot baie algemene [[standvoël]].

 

Hierdie is 'n bonkige reier met 'n kort nek, kort bek en 'n bruin rug. In die somer het volwassenes lang nekvere. Sy nie-broeidrag verskil soos volg van die [[Malgassiese Ralreier]] s'n: Sy rugkant is valer en steek minder by sy vlerke af en sy gelerige snawel het 'n swart snawelnok. In die broeityd verkleur sy bleekgeel pote 'n paar dae lank tot pienkrooi. In vlug vertoon hy spierwit, tensy sy rugkant sigbaar is. Hy is tussen 40 en 49 cm lank, met 'n algemene lengte van 43 cm.

 

Hou een-een by [[strandmeer|strandmere]], vleie, riooldamme en strome. Hulle vreet [[insek]]te, [[vis]] en [[amfibiese dier]]tjies.

 

Hulle broeigebiede [[moeras]]agtige [[vleiland]]e in die warm lande. Hulle broei in klein kolonies, dikwels saam met ander watervoëls, gewoonlik op platforms van stokke in bome of ander [[struik]]e. Hulle lê 3-4 [[Eier (biologie)|eiers]].

 

Dit broei in [[Suid-Europa]] en die [[Midde-Ooste]], en is 'n [[migrasievoël]] wat in [[Afrika]] oorwinter. Hulle word selde verder noord as hulle broeigebiede gesien.

 

In Suidelike [[Afrika]] kom hulle vanaf [[Augrabiese waterval|Augrabies]] al langs die [[Oranjerivier|Gariep]] voor, en die gebied strek verder oor die hele [[Vrystaat]], [[KwaZulu-Natal]], [[Mpumalanga]], [[Limpopo|Limpopo Provinsie]], [[Noord-Wes|Noord-Wes Provinsie]], die grootste deel van [[Namibië]] en [[Botswana]], asook die hele [[Zimbabwe]] en [[Mosambiek]].

 

* Wetenskaplike naam: ''Ardeola ralloides''

* Engelse naam: ''Squacco Heron''

* [[Lys van Suider-Afrikaanse voëls volgens wetenskaplike name]]

 

* [[Newman se Voëls van Suider-Afrika]]; ISBN 1868729826