Tsesarewitsj: Verskil tussen weergawes

'''Tsesarewitsj''' ([[Russies]]: цесаре́вич, [[IFA]]: tsɨsɐˈrʲevʲɪtɕ, meervoud: '''tsesarewitsji''') was die titel van die regmatige of vermoedelike troonopvolger in die [[Russiese Keiserryk]]. Dit is óf voor die naam en [[patroniem]] geskryf óf het dit vervang. Dit is afgelei van "tsesar" (die ou Russiese woord vir "[[tsaar]]"), wat weer afgelei is van [[Caesar]].

 

Die term word dikwels verwar met [[tsarewitsj]], wat ’n ander betekenis het: Laasgenoemde was die titel van enige seun van ’n tsaar, insluitende seuns van nie-Russiese heersers, byvoorbeeld die [[khan]]s van die [[Krim]] en [[Siberië]] en die afgesette heersers van [[Georgië]].<ref name="dimitry">{{cite journal| last = Macedonsky| first = Dimitry| title = Hail, Son of Caesar! A Titular History of Romanov Scions| journal = European Royal History Journal| volume = 8.3| issue = XLV| pages = 19–27| publisher = Arturo E. Beeche| date = 2005 06 }}</ref><ref name="burke">{{cite book| title = Burke's Royal Families of the World II| publisher = Burke's Peerage Ltd| year = 1980| pages = 65| isbn = 0-85011-029-7}}</ref> Daar was feitlik altyd net een tsesarewitsj op ’n slag en die titel is slegs in Rusland gebruik.

 

Die titel is saam met die woord "opvolger" (''naslednik'') gebruik, met die formele vorm: "Sy Keiserlike Hoogheid die Opvolger-tsesarewitsj en Groothertog". Sy vrou is die '''tsesarewna''' genoem.<ref>{{cite web| title = Cesarevich| work = LoveToKnow Free Online Encyclopedia| url = http://www.1911encyclopedia.org/Cesarevich| accessdate = 2006-10-26 }}</ref>

 

In 1721 het [[Pieter die Grote]] opgehou om "tsaar" as sy hooftitel te gebruik en die titel ''imperator'' (keiser) aangeneem. Toe het die titel [[tsarewitsj]] (en tsarewna, wat lewenslank deur tsaar [[Iwan V van Rusland|Iwan V]] se dogters gebruik is), in onbruik verval.<ref name="dimitry" /> Die keiser se dogters het hierna die titel tsesarewna gekry (Pieter het in dié stadium geen oorlewende seuns gehad nie). In 1762 het [[Pieter III van Rusland|Pieter III]], nadat hy tsaar geword het, die nuwe titel tsesarewitsj aan sy enigste seun, die toekomstige [[Paul van Rusland|keiser Paul]], gegee – Paul was die eerste van nege Romanof-erfgename wat dié titel gehad het.<ref name="dimitry" /> Paul was egter nie in dié stadium sy pa se aangewese opvolger nie, en ook nie dié van sy ma, [[Katharina II van Rusland|Katharina II]], wat Pieter se bewind oorgeneem het nie

 

</center>

 

Nadat [[groothertog Kirill Wladimirowitsj van Rusland]] in 1924 in bannelingskap op die troon aanspraak gemaak het, het hy die titel tsesarewitsj aan sy seun, [[Groothertog Wladimir Kirillowitsj van Rusland|groothertog Wladimir Kirillowitsj]], gegee.<ref name="dimitry" /> Sedert 1997 maak dié se kleinseun, [[Groothertog Georgi Michailowitsj van Rusland|Georgi Michailowitsj]] aanspraak op die titel nadat sy ma, [[Groothertogin Maria Wladimirowna van Rusland|groothertogin Maria Wladimirowna]], dit aan hom gegee het in haar hoedanigheid as aanspraakmaker op die troon.<ref name="dimitry" /> Hy word egter meestal as "groothertog" aangespreek.

 

Tot aan die einde van die keiserryk se bestaan het die meeste mense in Rusland en oorsee steeds na die Russiese keiser as "tsaar" verwys wanneer hulle geskryf of gepraat het. Dit was moontlik die rede dat die troonopvolger meer dikwels "tsarewitsj" genoem is as die korrekte "tsesarewitsj", veral in minder ingeligte kringe.

 

* [[Tsarewitsj]]

 

{{Verwysings}}

 

*[[Lêer:Crystal txt.png|15px]] Hierdie artikel is vertaal uit die [[:en:Tsesarevich|Engelse Wikipedia]]