Vidius Nel: Verskil tussen weergawes

Content deleted Content added
Uitleg van bronteks
Lyn 21:
Ds. '''Vivianus Ovidius (Vidius) Nel''' (plaas Meyerskraal, distrik [[Bedford]], [[Oos-Kaap]], [[27 Augustus]] [[1924]] - [[Strand, Wes-Kaap|Strand]], [[Wes-Kaap]], [[31 Maart]] [[2007]]) was 'n leraar in die [[Nederduitse Gereformeerde Kerk]] wat tydens sy 36 jaar lange bediening sewe gemeentes in die Sinodes van Wes-en-Suid-Kaapland, Oos-Kaapland en Noord-Kaapland bedien het.
 
== Herkoms ==
Vidius Nel is op die plaas Meyerskraal in die distrik [[Bedford]] in die [[Oos-Kaap]] gebore as die agtste seun van die elf kinders van Gert Jeremias Cornelis Nel en sy vrou, Regina Dorothea Bosch, wie se voorsate van die eerste boere in die omgewing was op plase soos Doringboom, Wilgerbosch, Uitvlucht en Plathuis. Die Nels was lidmate van die geskiedkundige NG gemeente [[Glen Lynden]] op Bedford, wat vyf jaar voor Vidius se geboorte reeds sy honderdjarige bestaans gevier het, die sesde oudste NG gemeente in die [[NG Kerk in Oos-Kaapland|Sinode van Oos-Kaapland]] en die 19de in die hele NG Kerk. Buiten Vidius se ouers se godsvrug was dit veral sy ouer broer Coligny wat hom aangespoor het om predikant te word. Coligny het ook vroeg reeds dié roeping gekry. Hy is in 1917 met die 400-jarige herdenking van die Hervorming gedoop deur ds. [[M.L. de Villiers]], skrywer van ''[[Die Stem]]'', wat leraar van [[Glen Lynden]] was van 1912 tot 1918 en toe na die [[NG gemeente Vishoek|gemeente Simonstad]] in die Kaapse Skiereiland vertrek het.
 
== Opleiding ==
Nel se ouers verhuis in 1924 na Bedford waar hy tot in 1931 sy eerste skoolopleiding ontvang. Van die ouderdom van 10 jaar af was die leraar van die gemeente [[Glen Lynden]] ds. O.A. Cloete, die latere ds. Nel se medeleraar van 1950 tot 1952 in die [[NG gemeente Somerset-Wes]]. Nel matrikuleer in 1942 aan die [[Hoërskool Templeton]] op Bedford as die enigste matrikulant van daardie jaar omdat sy ouers nie kon bekostig nie om hom skool toe te stuur in [[Grahamstad]] of op [[Somerset-Oos]], soos die gebruik van die inwoners van die distrik destyds was. Van 1943 tot 1945 is hy student aan die [[Universiteit van die Vrystaat|Universiteit van die Oranje-Vrystaat]] in [[Bloemfontein]] en behaal die graad B.A. (Admissie). Hierna vertrek hy na [[Stellenbosch]] waar hy aan die teologiese [[Kweekskool]] studeer en einde 1949 as proponent gelegitimeer word. Van sy klasmaats was latere predikante soos Jan Hanekom, Andries Gouws en Kosie Terreblanché. Omdat hulle ouers arm was, het sy broer ds. Coligny Nel, wat leraar van die NG gemeente Durban-Wes van 1942 tot 1947 en van die [[NG gemeente Melville]] van daardie jaar tot en met die afstigting van Aucklandpark in 1958 was, Vidius geldelik bygestaan.
 
== Eerste gemeente ==
Prop. V.O. Nel word op [[6 Mei]] [[1950]] as medeleraar van die [[NG gemeente Somerset-Wes]] bevestig deur ds. O.A. Cloete, toe reeds leraar van Somerset-Wes, met [[Gordonsbaai]] as standplaas. Prof. F.J.M. Potgieter, hoogleraar aan die [[Kweekskool]], lewer die rede terwyl 16 leraars aan die handeoplegging deelneem, onder wie die 83-jarige ds. [[Abraham Faure Louw|A.F. Louw]] en di. E.G. Malherbe, M.W. Odendaal, W.J. Theron en J.A. van Blerk.
 
== Latere gemeentes ==
[[Beeld:Vidius Nel.jpg|thumb|regs|210px|Ds. Nel, omstreeks 1952.]]
 
Ds. Nel bly net twee jaar op [[Somerset-Wes]], want op [[9 Oktober]] [[1952]], kort ná sy 28ste verjaardag, word hy bevestig as leraar van die [[NG gemeente Albanie]], met sy kernpunt destyds die dorpie [[Riebeek-Oos]]. (Die gemeente het in 2000 met die [[NG gemeente Grahamstad]] saamgesmelt, nog onder die naam Albanie, waarna die middelpunt na [[Grahamstad]] verskuif het.) Hier verrig hy harde werk met oorgawe. Ses jaar later, op [[21 Januarie]] [[1958]], word hy as leraar van die [[NG gemeente Klipplaat]], eweneens op die [[Oos-Kaap]]se platteland, bevestig en drie jaar later, in die herfs van 1961, in die [[NG gemeente Alexandria]], aan die Oos-Kaapse kus. Hier werk hy tot hy na die Noord-Kaap vertrek en op [[19 Junie]] [[1965]] as leraar van die agt jaar oue NG gemeente Upington-Noord bevestig word. Onder ds. Nel se leiding word hier 'n kerksaal gebou.
 
== In Kimberley ==
Op [[24 Januarie]] [[1971]] word die NG gemeente Diamantveld, wat in 1955 van die [[NG gemeente Dutoitspan]] afgestig het, sy sesde gemeente. Dit was die begin van 'n besonder vrugbare bediening in die [[Kimberley|Diamantstad]]. As medeleraar van Diamantveld was dit veral ds. Nel se taak om 'n deel van die gemeente voor te berei op afstigting, want reeds twee jaar voor dit eindelik sou gebeur, het Diamantveld se lidmate meer as 1 500 getel. Diamantveld se kerkraad het in Februarie 1979 besluit om 'n beplanningskommissie te benoem met die oog op die afstigting van die woonbuurte Monumenthoogte, South Ridge, Ronaldsvlei en Rustic. Op [[12 Oktober]] [[1979]] lees ds. Nel 'n konsepbrief aan die kerkraad voor, gerig aan die skriba van die Ring van Dutoitspan, waarin hy vra dat Diamantveld mag voortgaan met die afstigting. Uit die geskatte 700 lidmate van die te stigte nuwe gemeente, steun 491 die afstigting. Ná stemming is op die naam Kimberley-Suid vir die nuwe gemeente besluit.
 
Lyn 42:
Kimberley-Suid het in 1999 met Kimberley-Noord en Kimberley-Militêr saamgesmelt as die NG gemeente Kimberley-Harmonie. Die grootste komponent van die saamgestelde gemeente het van Kimberley-Suid gekom en dié gemeente se kerkgebou is sedertdien die middelpunt van die gemeente se bedrywighede. Kimberley-Suid het 1 200 lidmate tot die nuwe gemeente bygedra, vergeleke met Noord se 260 en Militêr se 99 vir 'n totaal van 1 559 belydende lidmate. Teen 2012 het die totaal op 1 239 gestaan.
 
== Aftrede ==
In Junie 1986 kry ds. Nel 'n hartaanval op die kansel terwyl hy 'n huweliksbevestiging lei. Hy tree op [[30 Augustus]] [[1986]] met vervroegde pensioen af en lewer op [[31 Augustus]], vier dae ná sy 62ste verjaardag, sy afskeidspreek. Hy en sy vrou gaan vestig hulle in die [[Strand, Wes-Kaap|Strand]], waar hulle die laaste agt maande van sy lewe in die Altena-aftreeoord woon. Hier is hy oorlede op [[31 Maart]] [[2007]]. Ds. Dawie Scheepers lei die roudiens op [[4 April]] [[2007]].
 
== Gesinslewe ==
[[Beeld:Ds en mev Vidius Nel.jpg|thumb|regs|270px|Ds. Vidius en mev. Deidré Nel toe hulle die pastoriepaar op [[Somerset-Wes]] was.]]
 
Ds. Nel is op [[3 Junie]] [[1950]] in die [[NG gemeente Kaapstad|Groote Kerk]] in [[Kaapstad]] met Deidré Schoombie in die eg verbind. Hulle was 57 jaar getroud. Uit die huwelik is vier seuns gebore. Ten tyde van ds. Nel se dood het Coligny, genoem na sy oom, op [[Secunda]] gewoon, Johan in [[Johannesburg]] (hy was op sy dag die jongste landdros in die land en het later as regsadviseur by Sasol gaan werk), Ovidius in Welgemoed, [[Kaapstad]], waar hy sedert 1997 'n stelsel-ingenieur by die Foschini-groep was, en Marius in [[Francistown]], Botswana.
 
== Bronne ==
* Symington, Johan. 2007. ''Jaarboek van die Nederduitse Gereformeerde Kerke 2008''. Wellington: Tydskriftemaatskappy, 'n afdeling van Bybel-Media.
* [http://www.ngkharmonie.co.za/index_files/geskiedenis.htm Die geskiedenis van die NG gemeente Harmonie]
 
== Eksterne skakels ==
* [https://www.facebook.com/photo.php?fbid=132197996848920&set=a.130434983691888.25214.100001761619686&type=1&theater 'n Foto op Facebook van ds. Nel se seuns met hul gesinne.] URL besoek op 19 Augustus 2013.