Wakkerstroom: Verskil tussen weergawes

'''Wakkerstroom''' is die tweede oudste dorp in [[Mpumalanga]] in [[Suid-Afrika]]. Dit is in [[1859]] gevestig en die dorp se naam is 'n [[Afrikaans]]e vertaling van die [[Zoeloe]]naam vir die rivier wat naby die dorp verby vloei, die uThaka, ''(Wakker)''.

 

Die dorp is deur Dirk Cornelius Uys (Swart Dirk) gestig wat die gebied opgemeet het op die plaas Gryshoek. Hy het al die erwe uitgelê met 'n 50-jaart lang riempie wat van 'n [[eland]]bulvel gemaak is wat hy geskiet het tydens sy aankoms in Wakkerstroom. Die dorp en distrik is in November [[1859]] geproklameer en die eerste erwe in [[1864]] verkoop.

 

Die hofgebou, St Marks kerk en die ou brug oor die Wakkerstroom is as nasionale monumente verklaar. Die roman 'She' is deur H. Ryder Haggard geskryf terwyl hy in Hoogstraat in Wakkerstroom gebly het. Die dorp spog met 'n straatbrug wat in [[1893]] deur die regering van die destydse [[Zuid-Afrikaansche Republiek]] opgerig is. Die staalkonstruksie vir die brug is uit [[Duitsland]] ingevoer. Naby die brug vloei die Marthinus Wesselsstroom. Hier is Suid-Afrika se eerste Swart lede van die Zionistebeweging in [[1904]] deur D. Bryant van die ''American Christian Catholic Church in Zion'' gedoop.

 

Wakkerstroom is deur die 58ste Regiment North Staffordshires, die 80ste Regiment van die South Staffordshires en die 1ste Kings Dragoon Guards beset in 1880/81 tydens die [[Eerste Vryheidsoorlog]]. Oorblyfsels van die South Staffordshires Regiment en die Scot Guards se teenwoordigheid kan gesien word op die spits van die Ossewakop en Voortrekkerkop suid van Wakkerstroom.

 

Tydens die [[Tweede Vryheidsoorlog]] het die [[Verenigde Koninkryk|Britte]] 'n lyn van een-en-twintig [[blokhuis]]e tussen [[Volksrust]] en Wakkerstroom gebou en een honderd tussen Wakkerstroom en [[Piet Retief, Mpumalanga|Piet Retief]]. Die blokhuise is gebou om die Britse toevoerroete van [[Durban]] af te beskerm.

 

Die distrik is 2 323 km² groot. [[Skaap]]- en [[bees]][[boerdery]] is die hoof ekonomiese aktiwiteite. Daar is verskeie [[San]]-[[rotskuns|rotstekeninge]] te vinde in die gebied om Wakkerstroom. Die gebied is heuwelagtig met klowe, bergfonteine, vleigebiede en [[dam]]me. Dit is wêreldbekend as 'n [[voëlkyk]]paradys.

 

* [[Wena Naudé]], Afrikaans aktrise.

 

* [[NG gemeente Wakkerstroom]]

* [[Wakkerstroom (kiesafdeling)]]

* [[Lys van dorpe in Suid-Afrika]]

 

{{Verwysings}}

* [[Op Pad in Suid-Afrika]]. [[B.P.J. Erasmus]]. 1995. ISBN 1-86842-026-4