Weskus: Verskil tussen weergawes

Die '''Weskus''' is 'n streek aan die weskus van [[Suid-Afrika]] wat in sy nouste betekenis hoofsaaklik betrekking het op die gebied tussen [[Yzerfontein]] en [[Lambertsbaai]], maar ook van toespassing is op die hele kusstrook tussen [[Kaapstad]] en die mond van die [[Oranjerivier]], oftewel die mees suidwestelike hoek van [[Namibië]]. Die naam is ook gegee aan die distriksmunisipaliteit met sy setel op [[Moorreesburg]] wat die B-munisipaliteite van [[Saldanhabaai Plaaslike Munisipaliteit|Saldanhabaai]], [[Swartland Plaaslike Munisipaliteit|Swartland]], [[Bergrivier Plaaslike Munisipaliteit|Bergrivier]], [[Cederberg Plaaslike Munisipaliteit|Cederberg]] en [[Matzikama Plaaslike Munisipaliteit|Matzikama]] insluit. Die distriksmunisipaliteit se gebied beslaan sowat 31 101 km², dus omtrent die grootte van [[België]] of [[Lesotho]], maar ietwat kleiner as [[Taiwan]]. Die vernaamste bedryf van die distrik is landbou, hoewel die nywerheid ook 'n vername rol speel in [[Saldanhabaai]] op [[Saldanha]] en [[Vredenburg]] en in [[Swartland]] op [[Malmesbury]].

 

[[Beeld:Rugby_Langebaan.jpg|duimnael|links|Rugby is een van die gewildste sportsoorte aan die Weskus. Hier spook Langebaan (in rooi en blou) sake uit teen Hopefield in 'n Bolandse ligawedstryd.]]

Die totale bevolking van die distrik was volgens die [[2001]]-sensus 282 651. Daarvan was 204 710 bruin, 49 382 wit, 27 780 swart en 789 Indiërs. [[Afrikaans]]sprekendes is verreweg die grootste groep met 251 979 moedertaalsprekers, gevolg deur [[Xhosa]] met 20 917, Engels met 6 595 en [[Suid-Sotho|Sotho]] met 1 591 in daardie jaar. Minder as 1% van die bevolking is in die buiteland gebore, hoofsaaklik [[Suider-Afrika]] (1 493) en [[Europa]] (456).

 

Benewens 'n groot aantal laerskole, is daar die volgende hoërskole in die Weskus-distrik: Augsburg Landbougimnasium (Clanwilliam), Hoërskool Dirkie Uys ([[Moorreesburg]]), Hoërskool [[Citrusdal]], Hoërskool [[Vredenburg]], Hoërskool [[Vanrhynsdorp]], Hoërskool [[Hopefield]], Hoërskool [[Vredendal]], Hoërskool Weston ([[Vredenburg]]), Hoërskool Smuts-Malan ([[Riebeek-Wes]]), Hoërskool [[Piketberg]], Hoërskool [[Porterville]], [[Vredendal]] Sekondêre Skool, Hoërskool [[Lutzville]], Hoërskool [[Graafwater]], Hoërskool Wesbank ([[Malmesbury]]), Hoërskool Swartland (Malmesbury), Schoonspruit Sekondêre Skool (Malmesbury), Naphakade Sekondêre Skool (Malmesbury), Hoërskool [[Velddrif]], Hoërskool [[Diazville]] ([[Saldanha]]) en Steynville Sekondêre Skool ([[Piketberg]]).

 

* [[Lys van streeksname in Suid-Afrika]]

 

* [http://www.demarcation.org.za/PortalPages/PORT_MAPS/Munics/DC1.jpg 'n Kaart van die distrik]

* [http://www.demarcation.org.za/Published_Maps/Maps/MunicA0PDF/DC1.pdf 'n Gedetailleerde kaart van die Weskus in PDF-formaat]