N14 (Suid-Afrika): Verskil tussen weergawes

Die '''N14''' is een van die [[Nasionale paaie in Suid-Afrika|nasionale paaie]] in [[Suid-Afrika]]. Die pad verbind [[Springbok, Noord-Kaap|Springbok]], [[Noord-Kaap]], met [[Pretoria]], [[Gauteng]], nadat dit deur die [[Noordwes]]provinsie gegaan het.

 

Die N14 begin in Springbok en hou noordoos. Springbok is op die rand van [[Namakwaland]] en gou is die reisiger in die [[Boesmanland]]. Die pad is lank en reguit vir 103 km tot by die [[Aggeneys]] se afdraai waar die N14 verby hou. Aggeneys is sowat 9 km padlangs van die N14 af. Na 'n verdere 53 km gaan die N14 deur [[Pofadder, Noord-Kaap|Pofadder]]. Die volgende nedersetting is [[Bladgrond]] 58 km verder en nou betree die reisiger die [[Benede-Oranjeriviervallei]]. Na nog 64 km kom die reisiger die [[Augrabieswaterval]] afdraai teë. [[Kakamas]] is 10 km verder en hier gaan die N14 oor die [[Oranjerivier]]. Nou bly die N14 net noord van die Oranjerivier se oewer en 46 km verder is [[Keimoes]]. Buite Keimoes sluit die R27 hoofpad by die N14 aan en nog 45 km verder is die reisiger in [[Upington]]. Hier word die [[N10 (Suid-Afrika)|N10]] nasionale pad gekruis.

 

In Vryburg word die [[N18 (Suid-Afrika)|N18]] gekruis. Die natuur verander vinnig en die reisiger is nou in die [[Noordwes|Wes-Transvaal]] streek. Mielielande en graansilo's is oral te sien. [[Delareyville]] is 82 km verder, nog steeds hou die pad noordoos. Op pad na [[Sannieshof]], wat 41 km verder is, word verby [[Barberspan]] gery. By Barberspan is die Barberspan Nasionale Reservaat. Die [[Hartsrivier]] loop parallel met die N14 tot by [[Biesiesvlei]], 18 km verder. Nou swaai die N14 oos, kruis die Hartsrivier en 47 km verder word [[Coligny]] deurgery, met [[Ventersdorp]] nog 53 km verder oos. Die N14 swaai nou geleidelik noordoos, gaan verby die [[Klerkskraaldam]] en kruis die R500 hoofpad na 60 km. Nou gaan die N14 Gauteng binne.

 

Die reisiger is nou in die streek bekend as die [[Hoëveld]]. Vir die volgende 40&nbsp;km loop die N14 langs die [[Wieg van die Mensdom]] verby, hou noordoos verby [[Krugersdorp]] en swaai dan meer noord by [[Muldersdrift]]. Die N14 is nou 'n snelweg oppad na Pretoria, net 65&nbsp;km verder. Die N14 gaan verby [[Lanseria lughawe]] en net hierna word die [[Jukskeirivier]] gekruis. Die N14 gaan dan by [[Diepsloot]] verby en kruis die R55 hoofpad en by die Brakfonteinwissellaar draai die N14 skerp-noord op die [[Ben Schoeman Hoofweg]] tot in Pretoria. Die N14 kruis die [[Gautrein]] spoorlyn tweekeer voor Pretoria bereik word. Die [[Voortrekkermonument]] is ook nou duidelik sigbaar. Die N14 eindig net voor die [[Kgoši Mampuru II-bestuursgebied]]-gebou teëgekom word in Potgieterstraat.<ref>[[Op Pad in Suid-Afrika]]. [[B.P.J. Erasmus]] 1995 ISBN 1-86842-026-4.</ref><ref>Padlangs deur Suid-Afrika. 2010. ISBN 978-1-77007-751-5</ref><ref>South Africa Road Atlas. MapStudio. 2010. ISBN 1-86809-709-9</ref>