Dobrinja Nikititsj: Verskil tussen weergawes

'''Dobrinja Nikititsj''' ([[Russies]]: Добры́ня Ники́тич) is ’n [[Slawiese mitologie|Slawiese]] mitologiese held van [[Kiëf-Roes]]. Hy, [[Ilja Moeromets]] en [[Aljosja Popowitsj]] word beskou as die grootste van die legendariese ''bogatiri'', of helderidders, van [[Kiëf-Roes]].

Dobrinja word in ''[[Bilina|bilini'']], of epiese gedigte, uitgebeeld as ’n verslaner van drake – hy het glo onder meer die draak [[Zmei (Slawiese draak)|Gorinitsj]] doodgemaak. Hy was ’n musikant, skaakspeler, boogskutter en stoeier. Historici glo sy karakter het ontstaan uit die ware [[Slawiërs|Slawiese]] leier [[Dobrinja]], wat die leërs van [[Swjatoslaf I van Kiëf|Swjatoslaf die Grote]] aangevoer en sy seun [[Wladimir I van Kiëf|Wladimir die Grote]] opgevoed het.

Toe Dobrinja in [[Kiëf]] kom, vra die prins hom om sy niggie te red. Dobrinja keer terug na die Saraseenberge en raak in ’n geveg met die draak betrokke. Hy veg drie dae lank. Op die derde dag wil hy moed opgee en wegry, maar ’n stem uit die hemel sê vir hom om te bly en nog drie uur lank te veg. Ná die drie uur maak Dobrinja die draak dood en red vir Zabawa.