Hoya: Verskil tussen weergawes

Content deleted Content added

Inline

Wysiging soos op 06:55, 7 November 2018

Hoya is 'n plantgenus in die oleander-familie (Apocynaceae) wat bestaan uit tussen 200 en 230 spesies tropiese plante. Dit is voorheen beskou as 'n lid van die aasblomfamilie (Asclepiadaceae), tot dat die hele Asclepiadaceae ingelyf is by die oleander-familie. Hoyas kom oorspronklik van Suid-Oos Asië, Australië en Nieu-Guinee.

Die spesies is gewoonlik meerjarige klimplante of partykeer struike, met melksap. Sommige spesies klim uit die grond opwaarts langs bome of heuwels, maar baie is epifiete. Hulle klim deur om hulself te slinger om boomstompe en met die hulp van lugwortels. Die sukkulente blare sit teenstandig, en die vorm, hoeveelheid hare, dikte, bearing en kleur van die melksap wissel baie.

Die blomme sit in 'n skerm van uit die bladoksel. Hulle is vyfpuntig met saamgesmelte blomblare en 'n komplekse morfologie. Nektar is geproduseer in 'n blombekleedsel. Meeldrade en stempels is saamgegroei in 'n gynostegium. Stuifmeel is versamel in twee pollinia op elke meeldraad en word geheel oorgedra deur bestuiwers na die volgende blom. Daar is nie baie navorsing op Hoya bestuiwing nie, maar ratsvlieërskoenlappers en pylstertmotte is bepaal as bestuiwers vir sommige spesies.

Die vrug is 'n smal, silindriese kokervrug met baie harig sade. Die kapsules sit individueel, nie in pare wat normaalweg in die subfamilie Asclepiadoideae verskyn nie.

Byna 600 tipes is beskryf in die genus Hoya, maar 'n bietjie meer as 300 tipes is 'n meer realistiese nommer. Hulle groei in verskillende vorms van die tropiese en subtropiese woude van Indië, China en Japan na Australië en die stille oseaan-eilande. Verskeie spesies word gekweek as huisplante, insluitend die algemene wasplant (Hoya carnosa) en dwergwasblom (Hoya lanceolata subsp. bella).