Cetshwayo: Verskil tussen weergawes

Mpande het in 1873 gesterf en Cetshwayo is op [[22 Oktober]] [[1873]] by 'n byeenkoms te kwaNodwengu gekroon as die nuwe koning. Die kroning is gesien as 'n belangrike skuif waardeur Cetshwayo sy onafhanklike heerskappy oor die Zoeloe nasie wou behou. Sir [[Theophilus Shepstone]], die koloniale administrateur en sekretaris van binnelandse sake, het laat weet dat, as deel van die Britse ondersteuning vir Cetshwayo, hy die kroning tydens 'n offisiële seremonie in alle prag en praal sou uitvoer. Shepstone en sy gevolg het dus na oNdini op die Mahlabathini-vlakte gereis vir die amptelike seremonie op [[1 September]] [[1873]] waar hy onstoke was toe hy te hore kom van die vroeëre kroning deur die izikhulu.<ref name = "AH" /> Soos die gebruik was het Cetshwayo 'n nuwe hoofstad vir die nasie geskep en dit [[Ulundi]] ("die hoë plek") genoem. Hy het sy leër uitgebrei en baie van die metodes van Shaka heraangeneem. Hy het ook sy [[impi]]'s met [[musket]]te toegerus en het die Europese sendelinge uit sy gebied verwyder. Hy het moontlik ander inheemse stamme aangemoedig om teen die Boere in die [[Transvaal]] te rebelleer.