George F. Kennan: Verskil tussen weergawes

Content deleted Content added
Sobaka (besprekings | bydraes)
k →‎Biografie: opruim
Sobaka (besprekings | bydraes)
k →‎Biografie: skakel
Lyn 7:
Toe die Amerikaanse ambassade in [[Moskou]] in 1933 heropen is, het Kennan ambassadeur William Bullitt na Moskou vergesel. Hy het in die Moskou ambassade tot 1937 gedien. Hy het toe 'n jaar in die VSA, 'n jaar in [[Praag]] deurgebring en was toe by die ambassade in Berlyn gestasioneer as eerste sekretaris van ambassadeur Sumner Welles. In hierdie hoedanigheid was hy deel van mislukte vredespogings in 1940 tydens die [[Tweede Wêreldoorlog]]. Hy was nog in Berlyn toe Duitsland oorlog verklaar het teen die Verenigde State en is daarna vir maande in Duitsland geïnterneer. Hy het in Mei 1942 na die Verenigde State teruggekeer. Tydens die oorlog het Kennan die VSA in [[Portugal]] verteenwoordig en was hy lid van die Europese Advieskommissie. In 1944 het hy teruggekeer na die VSA ambassade in Moskou.
 
In 1947 is Kennan aangestel deur die Minister van Buitelanse Sake, George C. Marshall as hoof van Buitelandse Sake se beleidbeplanning-eenheid. Kennan het in hierdie rol die "Sowjet-inperkingsbeleid" (''containment policy'') bedink en bevorder. Sy bekendste siening van hierdie idee is uiteengesit in die anonieme artikel "''The Sources of Soviet Conduct''" (beter bekend as die[[Artikel X-artikel]] wat hy in Julie 1944 geskryf het as 'n geheime diplomatieke telegram) en in die uitgawe van ''Foreign Affairs'' van Julie 1947 gepubliseer is. Hierin het hy 'n tradisionele neurotiese Russiese [[wêreldbeskouing]], versterk deur Oosterse geheimhouding en die [[kommunisme|kommunistiese]] [[ideologie]] beskryf om die buitelandse beleid van die Sowjetunie te verduidelik. Die Westerse houding wat hy na die nederlaag van [[Nazi-Duitsland]] bepleit het, het beteken dat die ''status quo'' behou moes word totdat die regime tot 'n val sou kom. In 1952 is hy aangestel as ambassadeur in die Sowjetunie, maar in Oktober is hy herroep nadat hy 'n diplomatieke twis in Berlyn ontketen het, met 'n vergelyking van sy posisie as diplomaat in Berlyn met die wyse waarop hy in 1952 in Moskou deur die Sowjet-regering behandel word. Daarbenewens is hy deur die Sowjetunie as ''[[persona non grata]]'' verklaar.
 
Kennan het Buitelandse Sake in 1953 verlaat en na die Instituut vir Gevorderde Studie in Princeton, New Jersey, gegaan waar [[Albert Einstein]] en John von Neumann ook gewerk het en Robert Oppenheimer die direkteur was. Hy het dit later betreur dat sy aanbevelings oor die inperking ''containment'' van die Sowjetunie te eensydig militêr geïnterpreteer is. Hy het in [[Princeton, New Jersey|Princeton]] gebly tot sy aftrede, met 'n kort onderbreking in die tydperk 1961 tot 1963 toe hy VSA ambassadeur in [[Joego-Slawië]] was. In hierdie tyd het hy bekend geword weens 'n aantal van sy boeke en artikels, waaronder ''Russia Leaves the War'' en ''Memoirs'' (vir albei het hy die [[Pulitzer-prys]] ontvang).