Blom: Verskil tussen weergawes

Die belangrike onderdele van ’n blom kan in twee dele gedeel word: die vegetatiewe deel, wat bestaan uit die kroonblare en verwante strukture in die blomdek, en die voortplantings- of seksuele deel. ’n Stereotiepe blom bestaan uit vier soorte strukture wat aan die punt van ’n kort steel vas is. Elk van hierdie soorte dele is in ’n krans op die [[blombodem]] gerangskik. Die vier hoofkranse (van die basisbuitekant van die blom af boontoebinnetoe) is:

* '''[[Kelkblaar|Blomkelk]]''': die buitenste krans wat bestaan uit kelkblare; hulle is gewoonlik groen en hou die res van die blom in die bloeistadium bymekaar. Hulle kan afwesig of prominent wees, of kroonblaaragtig in sommige [[spesie]]s.

* '''[[Kroonblaar|Blomkroon]]''': die volgende krans, wat uit kroonblare bestaan. Hulle is gewoonlik dun, sag en kleurryk om diere te lok wat help met [[bestuiwing]].

* '''[[Meeldraad]]krans''' (manlike deel): die volgende krans (soms ’n paar kranse), wat uit meeldrade bestaan. Meeldrade bestaan uit twee dele: ’n stingel wat die [[helmdraad]] genoem word en ’n [[helmknop]] waar die [[stuifmeel]] wat eindelik versprei word deur [[meiose]] vervaardig word.

* '''[[Ginesium]]''' (vroulike deel): die binneste krans, wat uit een of meer [[Ginesium#Stampers|stampers]] bestaan. ’n Stamper bestaan weer uit een of meer [[Ginesium#Vrugblare|vrugblare]]. Die vrugblaar of paar saamgesmelte vrugblare vorm ’n hol struktuur wat ’n [[vrugbeginsel]] genoem word en saadknoppies intern vervaardig. Saadknoppies is megasporehouers wat deur meiose megaspore vervaardig. Die megaspore ontwikkel in vroulike [[gametofiet]]e. Hulle vervaardig eierselle. Soms word die ginesium beskryf in terme van ’n vrugbeginsel, styl en stamper. Die stamper het ’n taai punt, die [[stempel]], waaraan stuifmeel kleef. Die stempel is aan die punt van die [[Ginesium#Stampers|styl]], ’n pilaaragtige steel waardeur die stuifmeelbuise groei om die vrugbeginsel te bereik. Die posisie van die vrugbeginsel word bepaal deur die aanhegtingspunt, waar die ander blomdele (blomdek en meeldraadkrans) byeenkom en aan die oppervlak van die vrugbeginsel heg.<ref>{{cite journal | author=Soltis et al. | year=2003 | title=Evolution of Epigyny | journal=International Journal of Plant Sciences | volume=164 | issue=S5 | pages=S251–S264 | doi=10.1086/376876 | last2=Fishbein | first2=Mark | last3=Kuzoff | first3=Robert K.}}</ref> As die vrugbeginsel bo die aanhegtingspunt is, is dit bostandig; indien onder, is dit onderstandig. Die term halfonderstandig word ook gebruik wanneer die vrugbeginsel half binne en half buite die blombodem lê.<ref>{{cite journal | author=Soltis & Hufford | year=2002 | title=Ovary Position Diversity in Saxifragaceae | journal=International Journal of Plant Sciences | volume=163 | issue=2 | pages=277–293 | doi=10.1086/324528 | last2=Hufford | first2=Larry}}</ref>