Fritz Steyn: Verskil tussen weergawes

Frederik Simon Steyn is op [[14 Junie]] [[1913]] op [[Wakkerstroom]] gebore. Hier gaan hy skool tot 1926 waarna hy na die Hoër Volkskool in [[Heidelberg, Gauteng|Heidelberg]] gaan waar hy in 1929 matrikuleer.<ref>Kannemeyer, J.C. ''Geskiedenis van die Afrikaanse literatuur 1.'' Academica. Pretoria en Kaapstad. Tweede druk, 1984.</ref> Hy studeer verder aan die [[Universiteit van Pretoria]] en verwerf die B.A.-graad in 1932.<ref>Kannemeyer, J.C. ''Die Afrikaanse literatuur 1652–2004.'' Human & Rousseau. Kaapstad en Pretoria. Eerste uitgawe, 2005.</ref> In hierdie tyd is hy aktief in die Afrikaanse Nasionale Studentebond, wat hy help oprig het en waar hy op die plaaslike en hoofbestuur dien. Van 1933 tot 1936 werk hy in die Staatsdiens, maar bekwaam hom met deeltydse studie in die regte en verwerf so die LL.B.-graad in 1934 aan die Universiteit van Pretoria.<ref>Lindenberg, E. (red.) ''Inleiding tot die Afrikaanse letterkunde.'' Academica. Pretoria en Kaapstad. Vierde uitgawe. Eerste druk, 1973.</ref> Hy bedank in 1936 by die Staatsdiens en aanvaar dan ‘’n administratiewe betrekking by die Universiteit van Pretoria. Sy eerste teater resensie verskyn in 1936 in ''[[Republikein|Die Republikein]]'' oor 'n opvoering van [[P.W.S. Schumann]] se ''Hantie kom huis toe''.<ref>Antonissen, Rob. ''Die Afrikaanse letterkunde van aanvang tot hede''. Nasou Beperk. Derde hersiene uitgawe. Tweede druk, 1964.</ref> Nou raak hy aktief betrokke by die werksaamhede van die teater en dien op die bestuur van die Volks teater in Pretoria,<ref>Grové, A.P. ''Letterkundige sakwoordeboek vir Afrikaans''. Nasou Beperk. Vyfde uitgawe. Eerste druk, 1988.</ref> wat ook sy eerste dramas, soos ''Grond'' en ''Die wildsboudjie'', opvoer.<ref>Afrikaanse Pers-Boekhandel. ''Flitse.'' Afrikaanse Pers-Boekhandel. Johannesburg. Tweede uitgawe. Eerste druk, 1965.</ref>