Curiosity-verkenningstuig: Verskil tussen weergawes

 

'''Curiosity''' is 'n kernaangedrewe verkenningstuig ("dwaalrobot") wat deur [[NASA]] op 'n verkenningstog na die planeet [[Mars (planeet)|Mars]] gestuur is. ''Curiosity'' is op 26 November 2011 as deel van NASA se Mars Science Laboratory-sending saam met 'n MSL-ruimtetuig gelanseer en het op 6 Augustus 2012 suksesvol in die Gale-krater op Mars geland. Teen $2,5 miljard (sowat R20 miljard), is dit die mees ambisieuse en duurste Marssending ooit.<ref>[http://afrikaans.news24.com/Sci-tech/Nuus/Nasa-se-Curiosity-land-op-Mars-20120806 Nasa se ''Curiosity'' land op Mars], [[Nuus24]], 6 Augustus 2012</ref>

 

== Landing ==

 

Volgens [[Nasa]] het die Curiosity-verkenningstuig 'n bykans perfekte landing uitgevoer. Hulle analise van die data wat die verkenningstuig teruggestuur het aangaande die landing dui aan dat die binnekoms in [[Mars]] se [[atmosfeer]], daling en landing baie naby aan, of presies op die berekende tye plaasgevind het. Die tuig het net 2,4 kilometer van sy beplande landingsgebied tot stilstand gekom. Dit het slegs 7 minute en twaalf sekondes geduur vandat die tuig die boonste deel van Mars se atmosfeer getref het, totdat dit finaal tot stilstand gekom het op die oppervlak. Nasa het bereken dat dit 7 minute sou duur, 'n tydperk waarna hulle as ''sewe minute van angs'' ("seven minutes of terror") verwys het.