Darwin: Verskil tussen weergawes

Tussen 1911 en 1919 het Darwin baie politieke onrus beleef, veral as gevolg van konflik met die vakbonde, wat op 17 Desember 1918 op die spits gedryf toe 'n groep gelei deur [[Harold Nelson]] van 'n 1 000 betogers na Government House opgeruk het en die Administrateur van die Noordelike Gebied se bedanking geëis het. Die insident staan steeds as die "Darwin Rebellie" bekend. Die werkers se griewe was hoofsaaklik teen die Vestey Groep en die Gemenebes van Australië gemik. Beide Gilruth en die Vestey maatskappy het Darwin kort daarna verlaat.

 

Ongeveer 10 000 [[Geallieerdes|Geallieerde]] troepe het vroeg in 1940 in Darwin aangekom met die uitbreek van die Tweede Wêreldoorlog met die doel om Australië se noordelike kuslyn te verdedig. Op 19 Februarie 1942 om 09:57 het 188 Japannese vegvliegtuie Darwin in twee sarsies aangeval. Dit was dieselfde eskader wat Pearl Harbor in Hawaii (V.S.A.) bombardeer het, alhoewel daar 'n groter hoeveelheid bomme op Darwin laat val is. Die aanval was die oorsaak van 243 mense se dood en onberekenbare skade is aan die dorp aangerig. Hierdie was die ergste aanval ooit op Australië in oorlogstyd, en die eerste van vele lugaanvalle tussen 1942 en 1943 op Darwin.

 

Ten spyte van hierdie groot aanval, is Darwin se ontwikkeling baie deur die oorlog bevorder en is teerpaaie gebou om die streek met [[Alice Springs]] in die suide en [[Mount Isa]] in die suidooste te verbind en is Manton Dam in die suide gebou om die stad van water te voorsien. Op [[Australiëdag]] (26 Januarie) van 1959 het Darwin stadstatus verkry.<ref>[http://www.australiadaynt.com.au/fun/quiz/quiz2004.html Australia Day (Darwin)]</ref>

 

Op 25 Desember 1974 is Darwin deur Sikloon Tracy getref. 71 Mense het omgekom en 70% van die dorp se geboue is vernietig, insluitende baie van die ou klipgeboue soos Palmerston Stadsaal, wat nie die laterale kragte wat die sterk winde veroorsaak het kon weerstaan nie. Na die ramp is 30 000 mense (meer as die helfte van die stad se bevolking) per lug uit die gebied ontruim. Die stad is daarna weer in die 1970's herbou met nuwer materiale en tegnieke deur die Darwin Kommissie vir Rekonstruksie onder leiding van die voormalige burgemeester van [[Brisbane]], Lord Mayor [[Clem Jones]]. 'n Satellietstad genaamd Palmerston is sowat 20 km suid van Darwin ontwikkel in die vroeë 1980's.

 

 

== Geografie ==

Darwin is in die Noordelike Gebied aan die See van Timor geleë. Die stad self is op 'n heuwel gebou wat oor Darwin hawe uitkyk en word begrens deur [[Frances Bay]] aan die ooste en Cullen Bay in die weste. Die res van die stad is op plat laagliggende grond gebou en die kusgebiede is die tuiste van verskeie ontspanningsgeriewe, uitgestrekte strande wat uiters geskik is vir [[visvang]].

 

 

=== Die stad en sy woonbuurte ===

Darwin en sy woonbuurte is in 'n driehoekige vorm uitgelê met die ouer suidwestelike woonbuurte - en die stad self - in die een hoek, die nuwer noordelike woonbuurte in die ander hoek en die oostelike woonbuurt wat uitstrek in Palmerston se rigting, die derde hoek.

 

Die ouer deel van Darwin word van die nuwer noordelike woonbuurte geskei deur die [[Darwin Internasionale Lughawe]] en die Koninklike Australiese Lugmagbasis ''RAAF Darwin''. Palmerston is 'n satellietstad sowat 20 kilometer ter suide van Darwin wat in die 1980's ontwikkel is en is een van die snelgroeiendste munisipaliteite in Australië.<ref>{{cite web|url=http://www.palmerston.nt.gov.au/site/page.cfm?u=292|title=Palmerston Growth|publisher=Palmerston City Council|accessdate=16 Desember 2007}}</ref> Die plattelandse gebiede rondom Darwin wat Howard Springs, Humpty Doo en Derry Springs insluit ervaar ook sterk groei.<ref>{{cite web|url=http://www.futuredarwin.nt.gov.au/development/transport.html|title=Darwin to Palmerston Transport Corridor|accessdate=4 Februarie 2008|publisher=Regering van die Noordelike Gebied}}</ref>

 

 

=== Klimaat ===

Darwin het 'n tropiese savanne klimaat ([[Köppen klimaatklassifikasie|Köppen ''Aw'']])<ref>{{cite web | title = CHAPTER 7: Introduction to the Atmosphere | work = physicalgeography.net | url = http://www.physicalgeography.net/fundamentals/7v.html | accessdate =15 Julie 2008}}</ref> met duidelik onderskeibare nat- en droë seisoene en die gemiddelde maksimum temperature is regdeur die jaar min of meer dieselfde. Die droëseisoen duur vanaf April/Mei tot Oktober (die suidelike halfrond se winter) wanneer byna elke dag warm en sonnig is met voggehaltes in die middae van om en by 30%. Daar is baie min reënval tussen Mei en September. Junie en Julie is die koelste maande met daaglikse minimumtemperatuur wat so laag as 14 °C kan daal, maar dit daal bitter selfde laer en ryp is nog nooit aangeteken nie.